რა ეწერა ჩავის მიერ ფერან ტორესისთვის გაგზავნილ წერილში

"ბარსელონასა" და "პლზენს" შორის გამართული შეხვედრის მიწურულს გულშემატკივრები ერთ საინტერესო ეპიზოდს შენიშნავდნენ. მოედანზე შესულმა დებიუტანტმა, პაბლო ტორემ ფერან ტორესს ჩავი ერნანდესის წერილი გადასცა.

Mundi Deportivo ირწმუნება, რომ ტორესის მიერ გადაგდებული წერილი "ბარსელონას" ერთ-ერთმა გულშემატკივარმა აიღო და კატალონიურ გამოცემას გაუგზავნა.

როგორც ჩანს, მიუხედავად იმისა, რომ "ბარსელონა" იმ მომენტისთვის უკვე 5-1 იგებდა, ჩავი ფეხბურთელებს მაინც დეტალურ მითითებებს აძლევდა.

MD-ს ცნობით წერილში წერია:

• დაცვითი კუთხური: აიყვანე N2
• ჯარიმა ფლანგზე: პირველ ხაზზე
• ცოცხალი კედელი: მეოთხე

როგორც ჩანს, ჩავი ტორესისგან დაცვითი კუთხურის დროს 1.89 სანტიმეტრი სიმაღლის ლუკაშ ჰეიდას აყვანას, მეტოქის კონტრშეტევის დროს ფლანგზე წესების პირველივე შესაძლებლობისთანავე დარღვევასა და ცოცხალ კედელში მეოთხე კაცად ჩადგომას ითხოვდა.