ბარსელონა სელტასთვის შეთავაზების გაკეთებას გეგმავს
ხავი მიგელის ინფორმაციით, "ბარსელონა" ხავი გალანის თაობაზე "სელტასთვის" მიმართვას აპირებს.
წყაროს თანახმად, კატალონიელები მზად არიან, ვიგოელებს 27 წლის მარცხენა მცველის სანაცვლოდ €9 მილიონი (რაც მისი გამოსასყიდი თანხის ნახევარია) შესთავაზონ.
ფეხბურთელთან პირადი კონტრაქტის დეტალების შეთანხმება პრობლემა არ იქნება და, ამასთან, ის მარკოს ალონსოზე ნაკლებს (€2 მილიონს) გამოიმუშავებს.
"ბარსამ" ამ ნაბიჯის გადადგმა სახელფასო ფონდში არსებული პრობლემების გამო გადაწყვიტა და ალონსოს ალტერნატიული ვარიანტების ძიება დაიწყო. "ჩელსის" ფეხბურთელის ანაზღაურება €4 მილიონი იქნება, რაც კლუბს არ აწყობს.
თუ "ბლაუგრანა" ახალ მარცხენა მცველს მოიყვანს, ჟორდი ალბა პირველ გუნდში თავის ადგილს დაკარგავს, რადგან სამწვრთნელო შტაბმა ალეხანდრო ბალდესთვის სათამაშო დროის მიცემა მტკიცედ გადაწყვიტა.
ამ სიახლეზე კომენტარები გათიშულია.
კომენტარები [ 10 ]