ბერნარდუ სილვას ბარსელონაში გადმოსვლის შანსები მცირდება
ბერნარდუ სილვას "ბარსელონაში" გადმოსვლის შანსები მცირდება და პორტუგალიელი მზადაა, "მანჩესტერ სიტიში" კიდევ მინიმუმ ერთი სეზონით დარჩეს. ამ ინფორმაციას The Athletic ავრცელებს.
იმავე წყარომ რამდენიმე დღის წინ გაავრცელა ინფორმაცია, რომ "სიტი" ბერნარდუში 100 მილიონ ევროს ითხოვს, რაც "ბარსელონასთვის" ძალიან ბევრია. კატალონიელები მაქსიმუმ 80 მილიონი ევროს გადამხდელები არიან, ისიც იმ შემთხვევაში, თუ ფეხბურთელებს სარფიანად გაყიდიან. საუბარია ან ფრენკი დე იონგის წასვლაზე, ან დეპაი-ობამეიანგი-დესტის ტრიოს გაყიდვაზე.
გავრცელებული ცნობებით "ბარსელონა" და ბერნარდუ შეთანხმებულები არიან. 28 წლის შემტევ ნახევარმცველს კატალონიურ გუნდში თამაში ისევ უნდა, მაგრამ The Athletic-ის ცნობით ის ხვდება, რომ ტრანსფერი რთული იქნება.
რამდენიმე კვირის წინ ვრცელდებოდა ინფორმაცია, რომ სილვას მთავარი ამოცანა "სიტიდან" წასვლა იყო, იქნებოდა ეს "ბარსელონაში" გადასვლა, თუ სხვაგან. ბოლო ცნობებით კი, ვინაიდან "ბარსაში" გადმოსვლის შანსებმა იკლო, პორტუგალიელი მზადაა, ინგლისის ჩემპიონ გუნდში დარჩეს.
ამ სიახლეზე კომენტარები გათიშულია.
კომენტარები [ 9 ]