ობამეიანგისთვის ბრძოლაში მანჩესტერ იუნაიტედიც ჩაერთო

"მანჩესტერ იუნაიტედში" მიხვდნენ, რომ გუნდს გაძლიერება ძალიან სჭირდება, თანაც სასწრაფოდ და არა მხოლოდ ნახევარდაცვის პოზიციაზე.

"წითელმა ეშმაკებმა" მიმდინარე სეზონი კიდევ უფრო ცუდად დაიწყო, ვიდრე წინა დაასრულა - 2 მატჩში 2 წაგება, 1 გატანილი და 6 გაშვებული გოლი, ბოლო ადგილი პრემიერ ლიგაში. ამაზე ცუდ სტარტს ვერც კი ვიფიქრებდით.

ერიკ თენ ჰაგის გუნდს ყველა პოზიციაზე უჭირს, მათ შორის შეტევაშიც. გუნდის პრიორიტეტი ნახევარდაცვის ხაზის გაძლიერებაა, მაგრამ მანჩესტერელები არც თავდასხმას ივიწყებენ. "იუნაიტედს" შეტევაში რონალდუსთან ერთადაც უჭირს და თუ პორტუგალიელი გუნდიდან წავიდა, გაჭირვება მერე ნახეთ.

The Sun-ზე დაყრდნობით Sport იტყობინება, რომ "მანჩესტერმა" თვალი პიერ-ემერიკ ობამეიანგს დაადგა. გაბონელი შემტევით "ჩელსიცაა" დაინტერესებული და მანჩესტერელებს ლონდონელებთან კონკურენცია ძალიან გაუჭირდებათ. "ჩელსის" თომას ტუხელი წვრთნის, რომელსაც ობამეიანგთან ძალიან კარგი ურთიერთობა აქვს, თანაც "ლურჯები", "წითლებისგან" განსხვავებით, ჩემპიონთა ლიგაზე თამაშობენ.

ობამეიანგმა "ჩელსი" უარით გაისტუმრა და ძნელი წარმოსადგენია, რა უნდა მოხდეს, ის "იუნაიტედში" თამაშს რომ დასთანხმდეს.