ჩავი ერნანდესი: ყველა ტიტულისთვის ვიბრძოლებთ
- თამაშის დრო: შაბათი, 13 აგვისტო, 23:00
"ბარსელონას" მთავარი მწვრთნელი, ჩავი ერნანდესმა ლა ლიგის პირველი მატჩის წინ პრესკონფერენცია გამართა:
" ხვალ ახალ სეზონს ვიწყებთ და ძალიან აღელვებული ვართ. "რაიო" ორგანიზებული გუნდია, ისინი ტექნიკურად ძალიან კარგად მომზადებულები არიან.
თავდაუზოგავად ვშრომობთ, გუნდი საკმაოდ კონკურენტუნარიანი გახდა. საკმაოდ ოპტიმისტურად ვართ განწყობილნი. სატრანსფერო ფანჯარაზე შესანიშნავი მოთამაშეები დავიმატეთ, რითაც კმაყოფილი ვარ.
საუკეთესო შემადგენლობა - ვიტყოდი, რომ საკმაოდ კარგი შემადგენლობა გვაქვს. ყველაფრის დამტკიცება მოედანზე მოგვიწევს. ფავორიტი ისაა, ვინც წინა წელს უკვე მოიგო.
ობამეიანგი - მასზე იმედებს ვამყარებ. ვისიც არ მჯერა, მათ უკვე იციან. დანარჩენები გუნდში თამაშობენ და ხვალ მოედანზე გამოდიან. გაბონელით კმაყოფილი ვარ, თუმცა მასთან დაკავშირებით რა მოხდება, არ ვიცი.
ფრენკი დე იონგი - იგივე დამოკიდებულება მაქვს, რაც ობამეიანგთან. ის მნიშვნელოვანი ფეხბურთელია, თუმცა სატრანსფერო მარკეტის დახურვამდე დრო რჩება.
პიკე - იგივე სიტუაცია, როგორც ყველა დანარჩენთან. ყველა მოთამაშეს ვუთხარი, რომ ახლა ბრძოლას ნულიდან ვიწყებთ. ტიტულები უნდა მოვიგოთ და ამაში მონაწილეობა ყველას მოუწევს.
ტიტულები? ჩვენი მიზანი ყველაფრით ყველაფრისთვის ბრძოლაა. რამდენად შორს წავალთ, ვნახავთ.
ანსუს როლი - ფაქტი, რომ რობერტ ლევანდოვსკი გავიფორმეთ, ანსუს მხრებიდან წნეხს მოხსნის. თუმცა, ანსუ დიდად დაგვეხმარება.
გამოწვევა - როგორ შევალ კლუბის ისტორიაში - მოგებებით თუ პირიქით. გუნდში იმას უფრო ვაფასებთ, თუ როგორ ვიგებთ. გვინდა, რომ პროცესით სიამოვნება მივიღოთ და ამ მოდელზე ნოემრის შემდეგ ვმუშაობთ.
ნიკო - ის ჩემთან 3 კვირის წინ მოვიდა. ჩემს პოზიციაზე მყარად ვიდექი, რადგან ის სათამაშო დროს მიიღებდა. მიუხედავად ამისა, სამი დღის წინ კვლავ მოვიდა და მითხრა, რომ "ვალენსიაში" თაამაში უნდოდა. ვიმედოვნებ, რომ ის უფრო შე,მდგარი დაბრუნდება, რადგან "ბარსელონას" მომავლისათვის ძალიან მნიშვნელოვან როლს ითამაშებს.
რაფინია - ის იმ ბრაზილიელებისაგან განსხვავებულია, ვისთანაც მითამაშია. უფრო ნეიმარს მომაგონებს, თუმცა, რივალდოსავით დარტყმა შეუძლია. ამ მხრივ ოდნავ რივალდოსაც ჰგავს. პირველივე წუთიდან საკუთარი ხასიათი დაგვანახა, რასაც რა თქმა უნდა, მატჩის ბედის შეცვლა შეუძლია.", - აცხადებს ჩავი.
ამ სიახლეზე კომენტარები გათიშულია.
კომენტარები [ 9 ]