ბარსელონა შაბათამდე ყველა ფეხბურთელს დაარეგისტრირებს
ლა ლიგის დაწყებამდე მხოლოდ 2 დღე რჩება, "ბარსელონას" კი ახალწვეულები, უსმან დემბელე და სერჟი რობერტო ჯერ კიდევ არ დაურეგისტრირებია, მაგრამ, როგორც ჩანს, პრობლემები არ შეიქმნება.
ESPN-ის ინფორმაციით, მიუხედავად იმისა, რომ "ლურჯ-ბროწეულისფერებს" ყველა ფეხბურთელის დარეგისტრირება ჯერ არ შეუძლიათ, რამდენიმე მათგანის რეგისტრაციას ახლაც მოახერხებენ.
აღნიშნულ ცნობებს დავიდ ბერნაბეუ რევერტერიც ადასტურებს და დასძენს, რომ შაბათამდე ყველაფერი მოგვარებული იქნება.
ამასთან, ვიქტორ ნავაროს თანახმად, ამ წუთებში კატალონიური კლუბის ოფისში შეხვედრა მიმდინარეობს, რომელშიც მონაწილეობას პრეზიდენტი ჟოან ლაპორტა და ვიცეპრეზიდენტი რაფა იუსტეც იღებენ. ლაპორტა ოფისში დღეს მეორედ მივიდა. დიდი ალბათობით, შეხვედრა სწორედ ზემოხსენებულ საკითხს ეხება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 11 ]