ბარსელონა და ჩელსი დე იონგის სატრანსფერო თანხაზე შეთანხმებასთან ახლოს არიან
"ბარსელონას" ფრენკი დე იონგის საკითხი ჯერ არ გადაუჭრია. "ბარსას" პოზიცია ნათელია - ხელფასის შემცირების შემთხვევაში, ნიდერლანდელი კლუბში დარჩება, წინააღმდეგ შემთხვევაში კატალონიელები მას გაასხვისებენ.
როგორც დღეს დაიწერა, 25 წლის ნახევარმცველი ანაზღაურების დაკლებას გამორიცხავს, რაც გვაფიქრებინებს, რომ "ბლაუგრანა" მას აუცილებლად გაყიდის.
ბრიტანული გამოცემა The Times იტყობინება, რომ "ბარსელონა" და "ჩელსი" დე იონგის სატრანსფერო ფასზე შეთანხმებასთან ახლოს არიან. თანხის ოდენობა უცნობია, თუმცა "ბარსას" დაახლოებით 80 მილიონი ევროს მიღება სურს.
ახლა მხარეები თავად ფეხბურთელის გადაწყვეტილებას ელოდებიან. დე იონგს "ბარსელონაში" დარჩენა სურს, თუმცა თუ წასვლა გარდაუვალი იქნება, ის "მანჩესტერ იუნაიტედს" "ჩელსის" ამჯობინებს, ვინაიდან ეს უკანასკნელი ჩემპიონთა ლიგაზე ასპარეზობს.
ამ სიახლეზე კომენტარები გათიშულია.
კომენტარები [ 13 ]