ფეხბურთელების დარეგისტრირების პრობლემა ლა ლიგის 8 გუნდს აქვს

"ბარსელონას" რომ ბოლო წლებში სერიოზული ფინანსური პრობლემები აქვს, ეს მთელ მსოფლიოში ფეხბურთისა და ფინანსების ყველა მოყვარულმა იცის. ამ პრობლემების ერთ-ერთი მიზეზი უშუალოდ კლუბის ფინანსების გარდა ლა ლიგის რეგულაციაცაა, რომელიც "ბარსას" ახალი ფეხბურთელების დარეგისტრირების საშუალებას არ აძლევს. გუნდი ამჟამადაც ამ პრობლემის მოგვარებაზე მუშაობს.
როგორც ირკვევა, "ბარსელონა" ერთადერთი გუნდი არაა, რომელსაც რეგულაციის გამო ლა ლიგაში ფეხბურთელების დარეგისტრირების პრობლემა აქვს.
Goal-ის ცნობით მიმდინარე სატრანსფერო ფანჯრის დროს ლა ლიგის გუნდებმა 90 ფეხბურთელი დაიმატეს, თუმცა ჯერჯერობით მხოლოდ 34 მათგანის დარეგისტრირება მოხერხდა.
მიმდინარე ზაფხულში "სევილიამ" ტრანსფერებით 80 მილიონ ევროზე მეტი გამოიმუშავა, მაგრამ ახალწვეულების დარეგისტრირება მაინც არ შეუძლია. იგივე მდგომარეობაშია "ვილიარეალიც", რომელმაც გასულ სეზონში ჩემპიონთა ლიგის ნახევარფინალში ითამაშა და დიდი ფინანსური სარგებელიც ნახა.
Goal-ის ინფორმაციით ფეხბურთელების დარეგისტრირებას ასევე ვერ ახერხებენ "ბეტისი", "ალმერია", "ელჩე", "რაიო" და "ვალიადოლიდი".
ამ სიახლეზე კომენტარები გათიშულია.
კომენტარები [ 8 ]