ბარსელონა დესტსა და რობერტოს ენდობა
Mundo Deportivo-ს ცნობით, "ბარსელონა" მარჯვენა მცველის დამატებაზე/არდამატებაზე მომავალ კვირაში, ფეხბურთელების დარეგისტრირების შემდეგ იფიქრებს.
ამავე წყაროს ინფორმაციით, "ლურჯ-ბროწეულისფერები" მარჯვენა ფლანგზე სერჟინიო დესტსა და სერჟი რობერტოს ენდობიან. ამასთან, საჭიროების შემთხვევაში, ამ პოზიციაზე თამაში რონალდ არაუხოსა და ჟიულ კუნდესაც შეუძლიათ.
როგორც იცით, მარჯვენა დაცვის გასაძლიერებლად "ბარსას" პრიორიტეტი სესარ ასპილიკუეტა იყო, მაგრამ "ჩელსიმ" ესპანელის გაყიდვა არ მოისურვა.
რაც შეეხება მოთამაშეების დარეგისტრირების საკითხს - რადგან ამ მომენტში "ბარსას" მათი დარეგისტრირება არ შეუძლია, არ ნიშნავს, რომ ვერცერთი მათგანის რეგისტრაციას ვერ ახერხებს, მაგრამ, კლუბს სურს, ყველა ფეხბურთელი ერთდროულად დაარეგისტრიროს, რათა პოტენციური პრობლემები თავიდან აირიდოს და ნაწყენი არავინ დარჩეს.
ამისთვის Barça Studios-ის დარჩენილი 24.5%-ის გაყიდვაა საჭირო. ასევე, მნიშვნელოვანი იქნება ხელფასების შემცირება და არასაჭირო ფეხბურთელების გაშვება.
ამ სიახლეზე კომენტარები გათიშულია.
კომენტარები [ 11 ]