ოფიციალურად: რობერტ ლევანდოვსკი ბარსელონას ახალი 9 ნომერია

ის, რაც აქამდეც ვიცოდით, დღეს ოფიციალურად დადასტურდა - რობერტ ლევანდოვსკი "ბარსელონას" ახალი 9 ნომერი იქნება.

ცოტა ხნის წინ "ბარსამ" "კამპ ნოუზე" შეკრებილ პუბლიკას პოლონელი ვარსკვლავი სწორედ 9 ნომრიანი მაისურით წარუდგინა, მალევე კი კლუბის ოფიციალურ ვებგვერდზე შესაბამისი ინფორმაციაც გაჩნდა.

ამ ამბავში უცნაური ისაა, რომ ჯერ კიდევ "ბარსელონაში" ირიცხება მემფის დეპაი, რომელიც აქამდე სწორედ 9 ნომრით თამაშობდა. მისი ნომრის ცვლილებაზე კი ოფიციალური ინფორმაცია არ გავრცელებულა. ეს ნიშნავს, რომ ამ წუთისთვის "ბარსელონას" ორი 9 ნომერი ჰყავს და კლუბის მაღაზიაში მაისურები ასეც იყიდება - მემფისის აქამდე დაბეჭდილ და ლევანდოვსკის ახალ მაისურებს 9 ნომერი ამშვენებს.