მანჩესტერ იუნაიტედი სერჟინიო დესტით დაინტერესდა
"ბარსელონას" ამერიკელ მარჯვენა მცველს, სერჟინიო დესტს თავის ყოფილ მწვრთნელთან, ერიკ ტენ ჰაგთან მუშაობის შანსი გაუჩნდა. Sport-ის ცნობით 21 წლის ფეხბურთელის დამატებით "მანჩესტერ იუნაიტედი" დაინტერესდა.
ცნობილია, რომ სესარ ასპილიუეტას დამატების შემთხვევაში ჩავი მზად იქნება, დესტს შეელიოს, რადგან მარჯვენა მცველის პოზიციაზე მას ასპილიკუეტა, სერჟი რობერტო, რონალდ არაუხო და ჟიულ კუნდე ეყოლება.
Sport-ის ცნობით "ბარსელონა" დესტში მინიმუმ 20 მილიონ ევროს მოითხოვს და სავარაუდოა, რომ "წითელი ეშმაკები" კატალონიელების ფინანსური მოთხოვნების დაკმაყოფილებას შეძლებენ.
დესტის გასხვისებაში პრობლემა ისაა, რომ მას მარცხენა ფლანგზე თამაშიც შეუძლია და ჟორდი ალბას ერთ-ერთ რეზერვისტად განიხილება. ამერიკელის გაყიდვის შემთხვევაში "ბარსას" ახალი მარცხენა მცველის შეძენა, ან ალექს ბალდეს იმედად ყოფნა მოუწევს.
სერჟინიო დესტი "აიაქსიდან" "ბარსელონაში" 2020 წელს 21 მილიონ ევროდ გადმოვიდა. კატალონიური გუნდის მაისურით მან 72 შეხვედრა ჩაატარა, 3 გოლი გაიტანა და 4 შედეგიანი გადაცემა გააკეთა.
ამ სიახლეზე კომენტარები გათიშულია.
კომენტარები [ 11 ]