ჟიულ კუნდემ სევილიას ბანაკი დატოვა

ჟერარ რომეროს ინფორმაციით, "ბარსელონას" მომავალმა ფეხბურთელმა, ჟიულ კუნდემ ლაგოსი დატოვა. 

ფრანგი ფეხბურთელი პორტუგალიის აღნიშნულ ქალაქში "სევილიასთან" ერთად, წინასასეზონო ტურნეზე იმყოფებოდა და "ბარსაში" გადასვლას ელოდებოდა, ახლა კი ყველაფერი გადაწყვეტილია - ტრანსფერის გაოფიციალურებას დღეს ვარაუდობენ.

რომეროს ცნობებით, "ლურჯ-ბროწეულისფერები" კუნდეს სანაცვლოდ €50+€5 მილიონს გადაიხდიან და ფეხბურთელს 5-წლიან კონტრაქტს გააფორმებენ.

მატეო მორეტოს თანახმად, ჟიული ბარსელონასკენ მოემგზავრება, სადაც, რამდენიმე საათში სამედიცინო შემოწმებას გაივლის.