ოფიციალურად: ბარსელონამ მე-2 ეკონომიკური ბერკეტი გაააქტიურა

ინფორმაცია, რომელიც ჯერ კიდევ გუშინ გავრცელდა, რამდენიმე წუთის წინ ოფიციალურად დადასტურდა. "ბარსელონამ" ლა ლიგის სატელევიზიო უფლებების 15% საინვესტიციო კომპანია Sixth Street-ს 25 წლით მიჰყიდა.

გარიგების ფინანსური დეტალები ოფიციალურ დონეზე არ ხმაურდება. ჟოან ლაპორტა აცხადებს, რომ ამ გარიგებით "ბარსელონას" ფინანსური შესაძლებლობები მნიშვნელოვნად გაიზრდება.

რამდენიმე კვირის წინ Sixth Street-მა შეიძინა "ბარსას" ლა ლიგის სატელევიზიო უფლებების 10 პროცენტიც, რაც იმას ნიშნავს, რომ მომდევნო 25 წლის განმავლობაში ამ კომპანიას "ბლაუგრნას" ლა ლიგის სატელევიზიო უფლებების 25% ექნება.

მე-2 ეკონომიკური ბერკეტის ფინანსურ დეტალებზე არაოფიციალური ინფორმაციის ნახვა ამ გვერდზე შეგიძლიათ.