რაფინიას ტრანსფერის ახალი ფინანსური დეტალები
რაფინიას "ბარსელონაში" ტრანსფერი ფინანსურად იმაზე მეტად წარმატებულია, ვიდრე აქამდე გვეგონა. ინფორმაციას Marca ავრცელებს.
აქამდე ვიცოდით, რომ "ბარსელონა" "ლიდს იუნაიტედის" ფიქსირებულ თანხას გადაუხდიდა, რომელიც არაოფიციალური ინფორმაციით 55-დან 58 მილიონ ევრომდე მერყეობდა. ბონუსებად კი 7 მილიონი ევრო იყო გათვალისწინებული.
ესპანური გამოცემის ცნობით ბონუსები უფრო მეტია, მაგრამ ფიქსირებული თანხა გაცილებით ნაკლები. საუბარია იმაზე, რომ "ლიდსი" გარანტირებულად მხოლოდ 48 მილიონ ევროს მიიღებს, ბონუსებად კი 12 მილიონი ევროა გათვალისწინებული, მაგრამ "ბარსას" ამ ბონუსების გადახდა ნამდვილად აწყობს.
საქმე ისაა, რომ ბონუსების უდიდეს ნაწილს კატალონიური კლუბი იმ შემთხვევაში გადაიხდის, თუ რაფინია "ბარსასთან" ერთად ჩემპიონთა ლიგას მოიგებს.
"ბარსელონამ" ამ პირობებს მიაღწია მაშინ, როდესაც "ჩელსი" რაფინიაში დაახლოებით 70 მილიონ ევროს იხდიდა.
ამ სიახლეზე კომენტარები გათიშულია.
კომენტარები [ 4 ]