BILD-მა ლევანდოვსკის ვარჯიშის დეტალები აღწერა
გერმანული გამოცემა BILD რობერტ ლევანდოვსკის დღევანდელი ვარჯიშის პერიპეტიებს აღწერს.
პოლონელის ქმედებებში ნათლად ჩანდა, რომ მას წასვლა სურს. ლევანდოვსკიმ შეკრებაზე დააგვიანა და მოედანზეც ყველაზე გვიან გავიდა. მან ვარჯიში ყველაზე ბოლოს დაიწყო და 100%-ით არ დახარჯულა.
რობერტი თანაგუნდელებთან თითქმის არ საუბრობდა. მას ხშირად მხოლოდ ლეონ გორეტცკა ესაუბრებოდა და ჯამალ მუსიალა ეხუმრებოდა. პოლონელს გუნდის თავკაც იულიან ნაგელსმანთან არ უსაუბრია და როცა იგი თავის შეგირდებს დარიგებებს აძლევდა, რობერტი უინტერესოდ, გვერდზე იყურებოდა.
ვარჯიშზე გამართული მინიმატჩის დროს ლევანდოვსკი ბურთზე აქტურად არ მიდიოდა და არც გოლი გაუტანია. სესიაზე მისმა გუნდმა წააგო, რის შემდგომაც აზიდვები რობერტის გარდა ყველა წაგებულმა მოთამაშეემ გააკეთა.
ვარჯიში ადგილობრივი დროით 12:16 საათზე დასრულდა. 22 წუთის შემდეგ, ლევანდოვსკიმ კლუბის ბაზა დატოვა.
Relevo-ს ინფორმაციით, "ბაიერნს" ჯერ არ გადაუწყვეტია, პოლონელი პრესეზონზე მონაწილეობას მიიღებს თუ არა. გერმანელები "ბარსელონას" მოუწოდებენ, რომ საკითხი მალე მოაგვაროს.
ამ სიახლეზე კომენტარები გათიშულია.
კომენტარები [ 6 ]