ლაპორტამ და მენდეშმა ბერნარდუ სილვას ტრანსფერის გეგმა შეადგინეს
Mundo Deportivo-ს ცნობით, ბოლოს გამართული შეხვედრის დროს ჟოან ლაპორტამ და ჟორჟე მენდეშმა ბერნარდუ სილვას "ბარსელონაში" ტრანსფერი განიხილეს და გეგმაც შეადგინეს.
"მანჩესტერ სიტი" ფეხბურთელში 100 მილიონ ევრომდე ითხოვს, მაგრამ "ბარსა" ამდენის გადახდას არ აპირებს და სურს, შედარებით მცირე თანხა 3 სეზონზე გადაანაწილოს. კლუბისთვის ბერნარდუს ხელფასი პრობლემა არ იქნება და კატალონიურ გრანდში თამაში თავად მასაც უნდა.
ნებისმიერ შემთხვევაში, თუ ფრენკი დე იონგი არ გაიყიდება და მეორე ბერკეტი არ გააქტიურდება, "ლურჯ-ბროწეულისფერები" პორტუგალიელის შეძენას არ შეეცდებიან და, სანამ ეს საკითხი გადაწყდება, "სიტის" მფლობელებს არც მენდეში შეხვდება.
თუ დე იონგი "მანჩესტერ იუნაიტედში" ან "ჩელსიში" წავა, "ბარსელონა" ბერნარდუს ტრანსფერზე აუცილებლად იმუშავებს. 4 ივლისს გამართულ შეხვედრაზე ლაპორტამ და მენდეშმა აღნიშნული ოპერაციისთვის ფინანსური გეგმა შეადგინეს. ამ უკანასკნელს თავისი კლიენტის "ბარსაში" გადმოყვანა გადაწყვეტილი აქვს.
ამ სიახლეზე კომენტარები გათიშულია.
კომენტარები [ 8 ]