რენს უმტიტი აღარ სურს | MD და Sport ბარსაზე
კატალონიური გამოცემები Mundo Deportivo და Sport "ბარსელონაზე" წერენ.
უმტიტი | "რენი" "ბარსასთან" მოლაპარაკებების შეწყვეტას გეგმავს. ფრანგულ კლუბს სამუელში ეჭვი ეპარება და "ბენფიკადან" მორატოს შეძენა სურს. კატალონიური გრანდისთვის მისი გაშვება რთული იქნება, რადგან მსურველი გუნდები უმტიტის ფიზიკურ მზადყოფნაში დარწმუნებულნი არ არიან და ტრანსფერამდე, ფეხბურთელის შემოწმებას ითხოვენ.
ნეტუ | ბრაზილიელი მეკარით ვიგოს "სელტა" ინტერესდება, მაგრამ მას მხოლოდ იმ შემთხვევაში შეიძენს, თუ "ბლაუგრანა" ნეტუს უფასოდ გაუშვებს, რადგან ფეხბურთელის ხელფასი საკმაოდ მაღალია.
დეპაი | რაფინიასა და დემბელეს პოტენციური დამატება მემფისი წასვლას ხელს უწყობს. ჩავი ერნანდესი ნიდერლანდელს ძალიან აფასებს, მაგრამ, ამ ტრანსფერების განხორციელების შემთხვევაში, მისი სათამაშო დრო შემცირდება.
ამასთან, Jijantes FC-ის ინფორმაციით, დღეს, შესაძლოა, "ბარსელონამ" ერთი ფეხბურთელის მოსვლა და ერთის წასვლა დაადასტუროს.
ამ სიახლეზე კომენტარები გათიშულია.
კომენტარები [ 9 ]