პარი სენ-ჟერმენს ინიაკი პენიას უფასოდ დამატება უნდა
"ბარსელონას" ახალგაზრდა მეკარეს, ინიაკი პენიას მსურველი საფრანგეთში გამოუჩნდა. 23 წლის ფეხბურთელის უფასოდ დამატებით დაინტერესებული "პარი სენ-ჟერმენია".
პენია "ბარსელონას" სკოლის აღზრდილია. ის კატალონიურ კლუბში 10 წელია, ირიცხება, თუმცა "ბლაუგრანას" პირველი გუნდის მაისურით ჯერ ერთი შეხვედრაც არ ჩაუტარებია.
გასულ სეზონში ინიაკი "გალათასარაიში" იყო განათხოვრებული და თურქულ გუნდში მან თავი კარგად წარმოაჩინა. იმავე დროს "გალას" სპორტული მრჩეველი იყო ლუის კამპოსი, რომელიც ცოტა ხნის წინ "პარი სენ-ჟერმენის" სპორტულ დირექტორად დაინიშნა.
AS-ის ცნობით კამპოსს ინიაკი პენიას ფეხით თამაში და რეაქცია მოსწონს და აპირებს, მას პარიზში გადასვლა შესთავაზოს. ინიაკი ჯიჯი დონარუმას რეზერვისტად განიხილება.
პენიას "ბარსელონასთან" კონტრაქტი 2023 წლამდე აკავშირებს, ეს კი იმას ნიშნავს, რომ იანვრიდან პსჟ-ს მასთან მოლაპარაკებების წარმოების უფლება ექნება, თუ, რა თქმა უნდა, მანამდე "ბარსა" ხელშეკრულებას არ გაუხანგრძლივებს.
ინიაკის მეორე მეკარედ ხედავს ჩავიც, მაგრამ ამისთვის საჭიროა, რომ გუნდმა ამჟამად ამ სტატუსის მქონე ნეტუ გუნდიდან გაუშვას.
ამ სიახლეზე კომენტარები გათიშულია.
კომენტარები [ 12 ]