ფრანსიშკუ ტრინკაუ სპორტინგში 10 მილიონად გადადის
ფრანსიშკუ ტრინკაუს პორტუგალიაში დაბრუნება და ლისაბონის "სპორტინგში" ჩარიცხვა გადაწყვეტილია. ინფორმაციას პორტუგალიური მედია ავრცელებს.
აქამდე ვრცელდებოდა ცნობები, რომ "ბარსელონა" ტრინკაუს "სპორტინგში" 2 წლით განათხოვრებას უპირებდა, მაგრამ შემდეგ გაირკვა, რომ კატალონიელებს ამის უფლება არ აქვთ.
პორტუგალიური Record-ის ცნობით ტრინკაუ "სპორტინგში" არა იჯარით, არამედ სრულფასოვანი ტრანსფერით გადავა. "ბარსელონა" 10 მილიონ ევროს მიიღებს და კატალონიელები ფეხბურთელის 15 მილიონად უკან გამოსყიდვის უფლებას იტოვებენ. გარდა ამისა "სპორტინგიდან" სხვა კლუბში გადასვლის შემთხვევაში ტრინკაუს ტრანსფერის 50% "ბლაუგრანას" შეხვდება.
ფრანსიშკუ ტრინკაუ "ბარსელონაში" 2020 წელს "ბრაგადან" 31 მილიონად გადმოვიდა. კატალონიურ გუნდში მან 42 თამაში ჩაატარა, 3 გოლი გაიტანა და 2 შედეგიანი გადაცემა გააკეთა, რის შემდეგაც "ვულვზში" იჯარით ითამაშა.
ტრინკაუ ჯერ 22 წლისაა, "ბარსელონა" მასში პოტენციალს ხედავს და სწორედ ამიტომ იტოვებენ კატალონიელები ფეხბურთელის გამოსყიდვის უფლებას.
ამ სიახლეზე კომენტარები გათიშულია.
კომენტარები [ 9 ]