გადამწყვეტი საათები დე იონგისთვის: ბარსა ჩელსისგან და მანჩესტერისგან ბოლო შეთავაზებებს ელოდება
ფრენკი დე იონგის მომავალი, შესაძლოა, უახლოეს საათებში გადაწყდეს. "ბარსელონა" "მანჩესტერ იუნაიტედისგან" და "ჩელსისგან" საბოლოო შეთავაზებებს ელოდება.
გუშინ "ჩელსის" ახალი მფლობელი კატალონიაში იმყოფებოდა. ტოდ ბოელი ჟოან ლაპორტას, მატეუ ალემანისა და ჟორდი კრუიფს შეხვდა.
დღეს გავრცელებული ინფორმაციით გუშინ მხარეები შეთანხმდნენ, რომ "ჩელსი" უახლოეს საათებში "ბარსას" ფრენკი დე იონგის ტრანსფერზე ოფიციალურ შეთავაზებას გაუკეთებს.
ნიდერლანდელი ნახევარმცველისთვის ბრძოლაში კონკურენტის გამოჩენის გამო პირობების გაუმჯობესებას აპირებს "მანჩესტერ იუნაიტედი", რომელიც "ბარსას" აქამდე 65 მილიონ ევროს ფიქსირებულად და 20 მილიონს ბონუსებით სთავაზობდა.
Sport-ის მიერ ცოტა ხნის წინ გავრცელებული ინფორმაციით "ბარსა" ორივე კლუბისგან საბოლოო შეთავაზებას ელოდება. თუ შეთავაზებული თანხა 80 მილიონ ევროს გადააჭარბებს, კატალონიელები ფრენკი დე იონგის გაყიდვას დასთანხმდებიან.
ამ სიახლეზე კომენტარები გათიშულია.
კომენტარები [ 11 ]