ოფიციალურად: ერნესტო ვალვერდე ბილბაოს მთავარ მწვრთნელად დაინიშნა
ინფორმაცია, რომელიც აქამდეც ცნობილი იყო, ცოტა ხნის წინ ოფიციალურად დადასტურდა - ერნესტო ვალვერდე "ბილბაოს" მთავარი მწვრთნელის პოსტზე დაბრუნდა.
2020 წლის იანვარში "ბარსელონადან" გაშვების შემდეგ ვალვერდე უმუშევარი იყო, ახლა კი ის იმ გუნდს დაუბრუნდა, საიდანაც 2017 წელს "ბლაუგრანაში" მოვიდა.
ვალვერდე "ბილბაოს" აქამდე ორჯერ წვრთნიდა - 2003-2005 და 2013-2017 წლებში.
"ბილბაოს" "ბარსელონასთან" უახლოესი თამაში 23 ოქტომბერს აქვს. სწორედ ამ დღეს ვიხილავთ ვალვერდეს "კამპ ნოუზე" 2019 წლის დეკემბრის შემდეგ პირველად.
ვალვერდეს "ბარსელონას" წინააღმდეგ გუნდი აქამდე 27-ჯერ გაუყვანია. მის ანგარიშზე 4 მოგება, 8 ფრე და 15 მარცხია.
"ბარსას" მთავარი მწვრთნელის პოსტზე ჩატარებული 145 შეხვედრიდან ერნესტომ 97 მოიგო, 32 ფრედ დაასრულა და მხოლოდ 16 დათმო. მან გუნდს 2.5 წელიწადში 2 ლა ლიგა, 1 ესპანეთის თასი და ერთიც სუპერ თასი მოაგებინა.
ამ სიახლეზე კომენტარები გათიშულია.
კომენტარები [ 13 ]