15 წელი ტიერი ანრის პრეზენტაციიდან

დღეს ზუსტად 15 წელი გავიდა იმ დღიდან, როდესაც თავისი ეპოქის ერთ-ერთი უდიდესი ფეხბურთელი ტიერი ანრი "ბარსელონას" წევრი გახდა.

2007 წლის 25 ივნისს "კამპ ნოუზე" ტიერი ანრის პრეზენტაციის სანახავად 30 ათასი გულშემატკივარი შეიკრიბა. ეს კლუბის ისტორიაში მსგავს ღონისძიებაზე დასწრების მე-5 ყველაზე დიდი მაჩვენებელია. ანრიზე მეტი გულშემატკივარი იბრაჰიმოვიჩის (60 ათასი), ნეიმარის (56 500), დავიდ ვილიასა (35 000) და სესკ ფაბრეგასის (35 000) პრეზენტაციებს დაესწრო.

ტიერი ანრიმ "ბარსელონაში" 3 წელი დაყო. 2007-2010 წლებში მან "ბლაუგრანას" მაისურით 121 შეხვედრა ჩაატარა, 49 გოლი გაიტანა და 27 საგოლე გადაცემა გააკეთა. "ტიტიმ" კატალონიელებთან ერთად 7 ტიტული მოიგო, აქედან 6 2009 წელს.