ბარსას ქალთა გუნდის ისტორიაში საუკეთესო ბომბარდირი პაჩუკაში გადავიდა
"ბარსელონას" ქალთა გუნდის ისტორიაში საუკეთესო ბომბარდირი ჯენიფერ ერმოსო, რომელსაც მადრიდული გუნდები, "რეალი" და "ატლეტიკო" იწვევდნენ, კარიერას მექსიკურ "პაჩუკაში" განაგრძობს.
ერმოსოს "ბარსელონასთან" კონტრაქტი მიმდინარე თვის ბოლოს უმთავრდება. მას კარიერის გაგრძელების არაერთი ვარიანტი ჰქონდა, მაგრამ საბოლოოდ "პაჩუკა" აირჩია. მექსიკურ გუნდთან მისი კონტაქტების შესახებ ინფორმაცია პირველად რამდენიმე დღის წინ გავრცელდა, დღეს კი ეს ინფორმაცია ოფიციალურად დადასტურდა.
"პაჩუკას" ვარსკვლავური შენაძენის ძალიან მაგარი წარდგენა ჰქონდა სლოგანით "El futbol femenil es HERMOSO". სიტყვა Hermoso ესპანურად ნიშნავს ლამაზს, მშვენიერს. მექსიკელებმა ეს კარგად გამოიყენეს და შექმნეს სლოგანი "ქალთა ფეხბურთი მშვენიერია".
ტრანსფერის ოფიციალურად დადასტურების ვიდეო მართლაც მშვენიერი გამოვიდა. იმდენად კარგი ვიდეოა, რომ ესპანური ენის ცოდნის გარეშეც ყველაფერს მიხვდებით.
ამ სიახლეზე კომენტარები გათიშულია.
კომენტარები [ 5 ]