სამუელ ეტო'ო სასამართლომ გადასახადების დამალვის საქმეში გაამტყუნა
"ბარსელონას" ლეგენდარული ფეხბურთელი და ამჟამად კამერუნის ფეხბურთის ფედერაციის პრეზიდენტი სამუელ ეტო'ო სასამართლომ გადასახადების დამალვის საქმეში დამნაშავედ ცნო.
საქმე "ბარსელონაში" გატარებულ პერიოდს, კონკრეტულად კი 2006-2009 წლებს ეხება. როგორც ირკვევა, დროის ამ მონაკვეთში ეტო'ომ 3.8 მილიონი ევროს გადასახადები დამალა.
კამერუნელ ლეგენდას 1.8 მილიონი ევროს ჯარიმის გადახდა და 22-თვიანი პატიმრობა მიესაჯა, მის აგენტ ხოსე მარია მესალიესს კი 900 ათასი ევროს გადახდა და ერთწლიანი პატიმრობა. თუმცა იმის გამო, რომ მათ კრიმინალური წარსული არ აქვთ, ეტო'ოსა და მესალიესის პატიმრობა პირობითი სასჯელია და ისინი მას ციხეში არ მოიხდიან.
კამერუნის ფეხბურთის ფედერაციის პრეზიდენტი სასჯელს დაეთანხმა, თუმცა აღნიშნა, რომ ეს ყველაფერი მისი ყოფილი აგენტის ბრალია, რომლის წინააღმდეგაც მას სხვა სასამართლო დავაც აქვს.
- განაცხადა სამუელ ეტო'ომ.
ამ სიახლეზე კომენტარები გათიშულია.
კომენტარები [ 5 ]