დანი ალვესი ბარსელონას ემშვიდობება: იმედი მაქვს, მათ ჩემი სიგიჟე და ყოველდღიური ბედნიერება არ დააკლდებათ
ცოტა ხნის წინ გავრცელებული ცნობებით, დღეს "ბარსელონამ" დანი ალვესს შეატყობინა, რომ მას კონტრაქტს არ გაუხანგრძლივებს.
ლეგენდარული ბრაზილიელი ინსტაგრამზე მესიჯს გვიგზავნის და "ბარსას" ემშვიდობება.
ძვირფასო კულეებო...
დამშვიდობების დროა...
ამ კლუბსა და ფერებს, ამ სახლს 8 წელზე მეტი მივუძღვენი... მაგრამ, ზოგადად, ყველაფერი სრულდება, ჩვენი გზები ერთმანეთს შორდება და ისტორიები სხვადასხვა ადგილას იწერება - სწორედ ასე ხდება.
"ბარსას" ჩემი გაშვება უნდოდა, მაგრამ ვერ მაგდებდა 😂, რადგან ვერ წარმოიდგენთ (ან, შესაძლოა, წარმოიდგენთ), როგორი ჯიუტი ვარ.
ბევრი წელი გავიდა, სანამ ფეხბურთმა და ცხოვრებამ არ მომცა შანსი, აქ დავბრუნებულიყავი და დამშვიდობების საშუალება მქონოდა. მაგრამ, ისე არ მივდივარ, რომ ყველა კულეს მადლობა წინასწარ არ გადავუხადო. მადლობა თქვენ, რადგან ყველაფერი შესანიშნავი გახადეთ.
ასევე, მინდა, მადლობა გადავუხადო სამწვრთნელო შტაბს, რომელმაც კვლავ ამ კლუბისთვის თამაშისა და ამ საოცარი მაისურის ტარების შესაძლებლობა მომცა - თქვენ არ იცით, როგორი ბედნიერი ვარ... იმედი მაქვს, მათ ჩემი სიგიჟე და ყოველდღიური ბედნიერება არ დააკლდებათ 😝
ასევე, ვიმედოვნებ, ისინი, ვინც რჩებიან, ამ დიდებული კლუბის ისტორიას შეცვლიან. მათ ამას მთელი გულით ვუსურვებ.
"ბარსაში" 23 ტიტული მოვიგე: 3 ტრებლი, 1 წელიწადში 6 თასი, და ოქროს წიგნი დავწერე.
ეს ბრწყინვალე ციკლს ხურავს და კიდევ უკეთესს ხსნის.
ალბათ, სამყარო არასდროს დაივიწყებს, რომ ლომი, 39 წლის ასაკშიც კი, ჯერ კიდევ გიჟი ლომია. Visça Barça... სამუდამოდ!
- წერს ლეგენდარული ბრაზილიელი.
დანი ალვესი "ბარსაში" გასული წლის ნოემბერში დაბრუნდა, რის შემდეგაც, ყველა ტურნირის ეგიდით, მან 16 მატჩში თავი 1 გოლითა და 3 ასისტით გამოიჩინა.
ვეტერანი მარჯვენა მცველი მზად იყო, "ლურჯ-ბროწეულისფერებთან" 6-თვიანი ხელშეკრულება გაეფორმებინა, რათა მოახლეობული მსოფლიო ჩემპიონატისთვის ფორმაში ყოფილიყო, თუმცა, კლუბს სხვა გეგმები აქვს.
საერთო ჯამში, "ბარსელონას" მაისურით დანის ანგარიშზე 407 მატჩი, 22 გოლი და 105 ასისტია.
ამ სიახლეზე კომენტარები გათიშულია.
კომენტარები [ 17 ]