"ოქროს ბიჭუნას" ჯილდოსთვის 5 ბარსელონელი იბრძოლებს
იტალიურმა Tuttosport-მა იმ 100 ახალგაზრდა ფეხბურთელის ვინაობა დაასახელა, რომლებიც 2022 წლის "ოქროს ბიჭუნას" ჯილდოსთვის იბრძოლებენ.
რა თქმა უნდა, სიაში "ბარსელონას" ფეხბურთელებს მრავლად ნახავთ. ას საუკეთესო ახალგაზრდა ფეხბურთელს შორის "ბლაუგრანას" 5 ფეხბურთელი მოხვდა - პედრი, გავი, ანსუ ფატი, ნიკო გონსალესი და ალეხანდრო ბალდე.
"ბარსელონას" გარდა ერთადერთი გუნდი, რომელსაც ასეულში 5 წარმომადგენელი ჰყავს, "დორტმუნდია".
"ოქროს ბიჭუნას" ჯილდო 2003 წელს იტალიურმა Tuttosport-მა დააარსა და ის წლის საუკეთესო 21 წლამდელ ფეხბურთელს გადაეცემა, რომელიც რომელიმე ევროპული ქვეყნის უმაღლეს დივიზიონში თამაშობს. ამჟამად ტუტოსპორტის გარდა ორგანიზატორებში არაერთი ევროპული გამოცემას ვხედავთ.
"ბარსელონას" ფეხბურთელს ჯილდო 2-ჯერ მოუგია - 2005 წელს ლეო მესის და 2021 წელს პედრის. ამაზე მეტი, 3 ჯილდო მხოლოდ "მანჩესტერ იუნაიტედს" აქვს და წელს "ბარსას" კარგი შანსი აქვს, ინგლისელებს გაუთანაბრდეს.
ჟიურის მიერ გამოვლენილი გამარჯვებულის გარდა ასევე ვლინდება გულშემატკივართა რჩეული. თქვენი ფავორიტისთვის ხმის მიცემა ამ გვერდზე შეგიძლიათ.
ამ სიახლეზე კომენტარები გათიშულია.
კომენტარები [ 14 ]