ბარსელონა ბაიერნს ახალი წინადადებით მიმდინარე კვირაში მიმართავს
"ბარსელონა" რობერტ ლევანდოვსკისთვის ბრძოლას განაგრძობს და კატალონიელები უახლოეს მომავალში "ბაიერნს" ახალ შეთავაზებას გაუკეთებენ.
მიმდინარე ზაფხულის ერთ-ერთი მთავარი სატრანსფერო ამბავი, ჯერჯერობით, რობერტ ლევანდოვსკის "ბაიერნიდან" "ბარსელონაში" შესაძლო გადმოსვლაა. ვეტერან პოლონელს მიუნხენური გუნდის დატოვება სურს, გერმანელები კი ამტკიცებენ, რომ რობერტს კიდევ ერთი წლით შეინარჩუნებენ.
საჯარო განცხადებების მიუხედავად ცნობილია, რომ "ბაიერნი" მზადაა, ლევანდოვსკის შეელიოს, მაგრამ ამისთვის საჭიროა, რომ მიუნხენელებმა "ლივერპულიდან" სადიო მანე დაიმატონ, ლევანდოვსკის მსურველმა გუნდმა კი 50 მილიონი ევრო გადაიხადოს.
"ბარსელონამ" "ბაიერნს" პირველი შეთავაზება უკვე გაუკეთა და მიუნხენელები ამ შეთავაზებით ვერ მოიხიბლნენ. Sport-ის ცნობით მიმდინარე კვირაში კატალონიელები კიდევ ერთ შეთავაზებას გააკეთებენ - 32 მილიონი ევრო ფიქსირებული და 5 მილიონი ბონუსები.
ამ სიახლეზე კომენტარები გათიშულია.
კომენტარები [ 5 ]