BarçaTimes | ფ. დე იონგი, პიანიჩი, ასპილიკუეტა, რაფინია, დი მარია...
ესპანელი ჟურნალისტი, სანტი ოვალიე "ბარსელონას" სატრანსფერო გეგმებზე წერს.
ფრენკი დე იონგი: დე იონგს "ბარსადან" წასვლა არ უნდა, თუმცა, თუ ის გუნდიდან მაინც გაუშვეს, ნიდერლანდელი ტოპ კლუბში (მაგალითად: პსჟ, "ბაიერნი", "მანჩესტერ სიტი") გადასვლას ისურვებდა და არა - "მანჩესტერ იუნაიტედში";
მირალემ პიანიჩი: ბოსნიელს "ბარსელონასთან" გაფორმებული კონტრაქტით გათვალისწინებული თანხის დაკარგვა არ სურს. თუ კლუბი მის გაყიდვას გადაწყვეტს, ფეხბურთელისთვის ხელფასის ნაწილის გადახდა მოუწევს;
ოსკარ მინგესა & რიკი პუჩი: მინგესამ და პუჩმა წასვლაზე თანხმობა განაცხადეს. სავარაუდოდ, რიკის გაშვებამდე, გუნდი მასთან ხელშეკრულებას გაახანგრძლივებს. რაც შეეხება ოსკარ - მას შემოთავაზებები ინგლისიდან, იტალიიდან და გერმანიიდან აქვს;
სესარ ასპილიკუეტა: სავარაუდოდ, "ბლაუგრანას" მისი შეძენა 5 მილიონი ევროც არ დაუჯდება. თუმცა, ესპანელს წასვლის უფლებას მისცემენ თუ არა, "ჩელსის" ახალ მფლობელებზეა დამოკიდებული;
კლემან ლანგლე: ფრანგი საკუთარ მომავალს პრესეზონის მიმდინარეობისას გადაწყვეტს. ადრე ის "ბარსელონადან" წასვლის წინააღმდეგი იყო, მაგრამ ბოლო პერიოდში აზრი შეიცვალა;
რაფინია: თუ კლუბი ბრაზილიელის მოყვანას ვერ შეძლებს, ალტერნატივა ეზ აბდეს დაწინაურება იქნება. ფინანსური პრობლემებიდან გამომდინარე, კატალონიელები სწორედ ეზალზულისთვის შანსის მიცემაზე ფიქრობენ;
ანხელ დი მარია: თუ რამე გაუთვალისწინებელი არ მოხდა, "ბარსელონა" არგენტინელს არ დაიმატებს.
ამ სიახლეზე კომენტარები გათიშულია.
კომენტარები [ 24 ]