ბარსელონასა და ბაიერნს შორის დაძაბული ურთიერთობის მიზეზი მხოლოდ ლევანდოვსკი არაა
რობერტ ლევანდოვსკის ტრანსფერის გამო ამჟამად "ბარსელონასა" და "ბაიერნს" შორის კარგი დამოკიდებულება ნამდვილად არაა.
მიუხედავად იმისა, რომ "ბარსას" ხელმძღვანელობა დუმილს ინარჩუნებს, მიუნხენელთა წარმომადგენლები "ლურჯ-ბროწეულისფერებს" მწვავედ აკრიტიკებენ და ვერ ხვდებიან, პოლონელ ფეხბურთელს გუნდის დატოვება რატომ სურს.
თუმცა, Sport1-ის ინფორმაციით, კატალონიელებსა და გერმანელებს შორის არსებული დაძაბული ურთიერთობის მიზეზი მხოლოდ ლევანდოვსკი არაა. საქმე ისაა, რომ "ბლაუგრანას" "ბაიერნიდან" 17 წლის ქენან ილდიზის გაფორმება სურს, თავად "რეკორდმაისტერი" კი "ლა მასიელ" იკერ კორდობასა და ადამ აზნუს აკვირდება.
15 წლის იკერს, რომელიც პოზიცით მცველია და 18-წლამდელთა გუნდში ირიცხება, "ბარსელონასთან" კონტრაქტი ამ ზაფხულში ეწურება. მისი ასაკის გახლავთ აზნუც, რომელიც 16-წლამდელთა რიგებში ასპარეზობს. ამ მომენტისთვის ადამსა და "ბაიერნს" შორის არანაირი შეთანხმება არ არსებობს. ახალგაზრდა უკანახაზელს გადაწყვეტილება ჯერ არ მიუღია.
რაც შეეხება ილდიზს - თურქი შემტევი ნახევარმცველი "ბარსელონას" რამდენიმე თვის წინ დაუკავშირეს. კატალონიელებს მისი შეძენა "ბარსა ატლეტიკისთვის" სურთ.
ამ სიახლეზე კომენტარები გათიშულია.
კომენტარები [ 6 ]