ლიდსი რაფინიას სანაცვლოდ 55 მილიონს ითხოვს
უსმან დემბელეს წასვლის შემთხვევაში, მარჯვენა გარემარბის პოზიციაზე "ბარსელონას" რჩეული "ლიდს იუნაიტედის" შემტევი რაფინიაა, თუმცა ბრაზილიელის შეძენა მარტივი არ იქნება.
Mundo Deportivo-ს ინფორმაციით, ინგლისური კლუბი 25 წლის შემტევის სანაცვლოდ მინიმუმ 55 მილიონ ევროს მოითხოვს, რისი გადახდის საშუალებაც "ბარსას" არ აქვს, ამიტომ კატალონიური კლუბი ფასის შესამცირებლად ტრანსფერში ფეხბურთელების ჩართვას შეეცდება.
რაფინია "ბლაუგრანასგან" კონკრეტულ ნაბიჯს ელოდება, მაგრამ "ბარსა" "ლიდსს" შეთავაზებას იქამდე არ გაუკეთებს, სანამ დემბელეს მომავალი არ გაირკვევა. თუ უსმანმა წასვლა გადაწყვიტა, "ბარსელონა" ინგლისელებთან მოლაპარაკებებს დაიწყებს, ხოლო ფრანგის დარჩენის შემთხვევაში რაფინიას შეძენას აღარ ეცდება.
კატალონიელებს ბრაზილიელთან 5-წლიანი კონტრაქტი აქვთ შეთანხმებული. არაერთი კლუბის ინტერესის მიუხედავად, რაფინიას "ბარსაში" თამაში სურს.
ცნობისთვის, იმ შემთხვევაში, თუ "ლიდსი" ჩემპიონშიფში დაქვეითდებოდა, რაფინიას გამოსასყიდი თანხა 25 მილიონი იქნებოდა, თუმცა სწორედ ბრაზილიელის წყალობით, კლუბი პრემიერ ლიგაში დარჩა, რის გამოც მისი შეძენა რთულდება.
ამ სიახლეზე კომენტარები გათიშულია.
კომენტარები [ 18 ]