რა ბედი ელის მემფის დეპაის?
მემფის დეპაის მომავალი ჯერ კიდევ გაურკვეველია.
Sport-ის ინფორმაციით, ნიდერლანდელის დარჩენა-არ დარჩენის საკითხი რობერტ ლევანდოვსკის და სხვა შემტევების ტრანსფერზე იქნება დამოკიდებული.
წყაროს თანახმად, იმ შემთხვევაში, თუ "ბარსელონას" 28 წლის თავდამსხმელის გაშვება მოუწევს, მას მარტივად არ შეელევა, მიუხედავად იმისა, რომ მემფისს კონტრაქტით მხოლოდ 1 წელი დარჩა. კატალონიელები მიიჩნევენ, რომ დეპაის კარგი სეზონი ჰქონდა, მისი ხელფასი კი მაღალი არაა. ამ ფაქტორების გათვალისწინებით, "ბარსა" მინიმუმ 20 მილიონ ევროს მოითხოვს.
მემფის დეპაის მსურველი ერთ-ეთი კლუბი ლონდონის "არსენალია". მეთოფეებმა იციან, რომ "ბლაუგრანა" ნიდერლანდელს დაბალ ფასად არ დათმობს. წყაროს ცნობით, ჩავი ერნანდესი არც მემფისის დარჩენის წინააღმდეგია.
მემფის დეპაი 2022/23 წლების სეზონში 13 გოლით, პიერ-ემერიკ ობამეიანგთან ერთად, "ბარსელონას" საუკეთესო ბომბარდირი გახდა.
ამ სიახლეზე კომენტარები გათიშულია.
კომენტარები [ 4 ]