Sport და MD ბარსელონაზე | რაფინია, ალვესი, პაუ ტორესი, რობერტო, ლანგლე, ბრეითუეიტი, მინგესა, პუჩი
კატალონიური გამოცემები - Sport და Mundo Deportivo "ბარსელონაზე" სიახლეებს გვთავაზობენ.
Sport
🔵 პრემიერ ლიგის ბოლო ტურში "ბარსას" სასწორზე 20 მილიონი უდევს - რაფინიასთან შეთანხმება მიღწეულია: თუ "ლიდსი" ჩემპიონშიფში გავარდება, კატალონიური კლუბი ბრაზილიელის გამოსასყიდ თანხას, 25 მილიონს გადაიხდის. თუმცა, თუ ჯესი მარშის გუნდი ინგლისის ჩემპიონატში დარჩება, ისინი 45 მილიონს მოითხოვენ. ამ შემთხვევაში "ბლაუგრანა" ფასის დაკლებას ტრანსფერში ფეხბურთელების ჩართვით შეეცდება.
🔴 მომდევნო დღეებში ჩავი და სპორტული სექტორი დანი ალვესის მომავალს გადაწყვეტენ. ლეგენდარულ ბრაზილიელს "ბარსაში" დარჩენა, სულ მცირე, მსოფლიო ჩემპიონატამდე სურს. თუ ასე არ მოხდა, 39 წლის მარჯვენა მცველი სხვა ევროპულ კლუბში გადავა.
Mundo Deportivo
🔵 2018 წელს, "ბარსელონას" მაშინდელმა სპორტულმა დირექტორმა, რობერტ ფერნანდესმა პაუ ტორესის ტრანსფერი 25 მილიონად შეათანხმა. თუმცა, შემდეგ ფერნანდესი ერიკ აბიდალმა შეცვალა და გარიგება ჩაიშალა; "ბარსას" პაუ ახლაც მოსწონს, მაგრამ, ესპანელი მცველი ძალიან ძვირია (65 მილიონი ევრო).
🔴 სერჟი რობერტო ახალ კონტრაქტს 25 მაისს გააფორმებს. შეთანხმება მიღწეულია - მხარეები ხელშეკრულებას 1 წლით გაახანგრძლივებენ. რობერტომ ანაზღაურება მნიშვნელოვნად შეიმცირა. ჩავის მისი დარჩენა სურდა.
🔵 მწვრთნელის ნებართვით, ლანგლე, ბრეითუეიტი, პუჩი და მინგესა ავსტრალიაში არ გაემგზავრებიან. მარტინი დანიის ნაკრებში წავა, მინგესა და პუჩი კი კატალონიის ნაკრების მაისურით იამაიკას დაუპირისპირდებიან.
ამ სიახლეზე კომენტარები გათიშულია.
კომენტარები [ 13 ]