ატლეტიკოს გრიზმანის შენარჩუნება სურს
გუშინ "ბარსელონასა" და "ატლეტიკოს" დირექტორები, მატეუ ალემანი და ხილ მარინი ერთმანეთს შეხვდნენ. გუშინვე გავრცელებული ინფორმაციით, შეხვედრის მიზანი ანტუან გრიზმანის საკითხის გადაწყვეტა იყო.
Sport-ის ცნობით შეხვედრა ნამდვილად გრიზმანის ტრანსფერს ეხებოდა, თუმცა გავრცელებული ინფორმაცია, თითქოს "ატლეტიკოს" ფრანგის შენარჩუნება არ სურს, სიმართლეს არ შეესაბამება. პირიქით, მადრიდელები ანტუანით კმაყოფილები არიან და ისინი "ბარსელონასთან" არსებულ შეთანხმებასაც პატივს სცემენ. შეთანხმება კი ითვალისწინებს, რომ თუ ორწლიანი იჯარის განმავლობაში გრიზმანი თამაშების 50%-ში მიიღებს მონაწილეობას, მადრიდელებს მისი 40 მილიონ ევროდ გამოსყიდვის ვალდებულება ექნებათ.
კატალონიური მედიის ცნობით "ატლეტიკოს" არ სურს, "ბარსელონას" მიმართ არსებული ვალდებულება ფულის გადახდით გაისტუმროს. მადრიდელები მოხარულნი იქნებიან, თუ გარიგებაში რომელიმე ფეხბურთელს ჩართავენ. სწორედ ამ საკითხს ეძღვნებოდა გუშინდელი შეხვედრა.
ამ სიახლეზე კომენტარები გათიშულია.
კომენტარები [ 17 ]