ჟერარ პიკე: გვარდიოლას წასვლის ერთ-ერთი მიზეზი მოურინიო იყო
"ბარსელონას" ცენტრალური მცველი ჟერარ პიკე გუნდიდან პეპ გვარდიოლას წასვლას იხსენებს და მიიჩნევს, რომ ამის ერთ-ერთი მიზეზი ჟოზე მოურინიოს მიერ მოედანს მიღმა შექმნილი სიტუაცია იყო.
პორტუგალიელი სპეციალისტი "რეალში" 2010 წელს მივიდა, რის შემდეგაც კატალონიურ და მადრიდულ გრანდებს შორის სიტუაცია უკიდურესად დაიძაბა. საქმე იქამდე მივიდა, რომ ერთმანეთთან ურთიერთობა გაუფუჭდათ "ბარსასა" და "რეალის" ესპანელ ფეხბურთელებსაც კი. მოურინიო გვარდიოლას პროვოცირებას მუდმივად ცდილობდა, პასუხად კი უმეტეს შემთხვევაში დუმილს იღებდა, მაგრამ 2011/12 წლების სეზონის ბოლოსკენ ამან პეპზე მაინც იმოქმედა.
მოურინიო ყოველდღე საპრესკონფერენციო დარბაზში იყო. იცით, როგორიცაა ის. მას საკუთარი სტილი აქვს.
საბოლოო პეპი წავიდა. ამის ბევრი მიზეზი იყო, მაგრამ დარწმუნებული ვარ, ერთ-ერთი მოურინიო იყო. რაც იმ დროს ხდებოდა, ნამეტანი იყო."
- აცხადებს პიკე გარი ნევილთან საუბრისას.
ამ სიახლეზე კომენტარები გათიშულია.
კომენტარები [ 15 ]