ბაიერნი ლევანდოვსკის გაშვებაზე დაფიქრდა
მიუნხენის "ბაიერნს" "ბარსელონას" სამიზნის, რობერტ ლევანდოვსკის შენარჩუნება კვლავ სურს, მაგრამ გერმანელებმა პოლონელის შენარჩუნებასთან დაკავშირებით არსებული პოზიცია შეარბილეს. ამ ინფორმაციას გერმანული Bild ავრცელებს.
კლუბის ხელმძღვანელებმა და ლევანდოვსკის თანაგუნდელებმა შეამჩნიეს, თუ რამდენად იმედგაცრუებულია პოლონელი იმით, რომ მას გუნდის გამოცვლის საშუალებას არ აძლევენ. კლუბში სერიოზულად დაფიქრდნენ, რამდენად ღირს ასეთ შემთხვევაში ფეხბურთელის შენარჩუნება.
ცნობილია, რომ ლევანდოვსკის "ბაიერნის" დატოვება სურს. მისით "ბარსელონა" აქტიურადაა დაინტერესებული და ვრცელდება ინფორმაცია, რომ მხარეები უკვე შეთანხმებულებიც არიან. აქამდე პრობლემას "ბაიერნი" ქმნიდა, რომელიც პოლონელი ვარსკვლავის გუნდიდან გაშვებას არ აპირებდა, მაგრამ როგორც ჩანს, სიტუაცია იცვლება.
ამ სიახლეზე კომენტარები გათიშულია.
კომენტარები [ 9 ]