ბარსელონა ბუსკეტსის პოტენციურ შემცვლელად სამ ფეხბურთელს განიხილავს

ჩავი ერნანდესს თითოეულ პოზიციაზე მინიმუმ ორი კონკურენტუნარიანი ფეხბურთელის ყოლა სურს. ერთ-ერთი მოთამაშე, რომელსაც პირდაპირი შემცვლელი არ ჰყავს, სერჟი ბუსკეტსია, რაც 42 წლის სპეციალისტმაც აღნიშნა. 

Sport-ის ინფორმაციით, "ბარსელონა" 33 წლის კაპიტნის პოტენციურ შემცვლელად სამ ფეხბურთელს განიხილავს. ესენია: ორელიენ ჩუამენი, მარტინ სუბიმენდი და რუბენ ნევეში.

წყაროს თანახმად, "ბარსას" ფავორიტი მარტინ სუბიმენდია, რომელსაც კლუბი სერხიო ბუსკეტსს ყველაზე მეტად ამსგავსებს. 23 წლის ფეხბურთელს "რეალ სოსიედადთან" კონტრაქტი 2025 წელს ეწურება. მისი გამოსასყიდი თანხა 60 მილიონი ევროა, რისი გადახდის საშუალებაც კატალონიელებს არ აქვთ, ამიტომ "ბარსას" მოლაპარაკება მოუწევს.

"ბლაუგრანას" ორელიენ ჩუამენის ვარიანტიც ხიბლავს, თუმცა მისი შეძენით "რეალი", "ლივერპული" და პსჟ ინტერესდებიან, ამიტომ "ბარსას" კონკურენციის გაუჭირდება. 22 წლის ნახევარმცველს "მონაკოსთან" კონტრაქტი 2024 წელს ეწურება.

მესამე ვარიანტი რუბენ ნევეშია. პორტუგალიელს "ვულვერჰემპტონის" დატოვება სურს და "ბარსამ" მისი სიტუაციის გარკვევა უკვე დაიწყო. "ვულვზი" 25 წლის შუახაზელს დაბალ ფასად არ გაუშვებს, თუმცა ფეხბურთელის აგენტის, ჟორჟე მენდეშის დახმარებით, სატრანსფერო თანხაზე მოლაპარაკება შესაძლებელია.