ფაბრიციო რომანო ბარსელონაზე | ალონსო, კესიე, კრისტენსენი, ლევანდოვსკი, დეპაი
ცნობილი იტალიელი ჟურნალისტი, ფაბრიციო რომანო "ბარსელონას" სატრანსფერო გეგმებზე ახალ ინფორმაციებს ავრცელებს.
👥 "ბარსას" სურს, კლუბი ახალგაზრდებითა და გამოცდილი ფეხბურთელებით დააკომპლექტოს. კლუბში იციან, რომ პედრის, გავის და სხვა ახალგაზრდების გვერდით ვეტერანი მოთამაშეებიც სჭირდებათ.
🇪🇸 "ბლაუგრანასთვის" მარკოს ალონსო სერიოზული ვარიანტია. ესპანელს სამშობლოში დაბრუნება სურს. კატალონიელები ახალ მარცხენა მცველს გაიფორმებენ. ალონსო 3-4 კანდიდატს შორისაა. "ჩელსისთან" მოლაპარაკებები ჯერ არ დაწყებულა.
🇨🇮 x 🇩🇰 ფრანკ კესიეს და ანდრეას კრისტენსენი უკვე "ბარსელონას" ფეხბურთელები არიან.
🇵🇱 "ბაიერნის" პოზიცია უცვლელია - გერმანელებს ლევანდოვსკის შენარჩუნება და მისი კონტრაქტის გახანგრძლივება უნდათ. "ბარსელონასთვის" რობერტის შეძენა მარტივი არ იქნება, მაგრამ, "ლურჯ-ბროწეულისფერები" არ დანებდებიან, რადგან ტოპ თავდამსხმელის მოყვანას აპირებენ.
🇳🇱 მემფის დეპაის მიზანი "ბარსაში" დარჩენა და ჩემპიონთა ლიგაზე თამაშია, თუმცა, არც წასვლაა გამორიცხული. ნიდერლანდელით პრემიერლიგური კლუბები ინტერესდებიან. ამ დროისთვის "ტოტენჰემთან" შეთანხმებული არაფერია.
ამ სიახლეზე კომენტარები გათიშულია.
კომენტარები [ 8 ]