ჰოლანდის საწინააღმდეგო სკაუტების ანგარიშები
ერლინგ ჰოლანდი მსოფლიოს ნებისმიერი კლუბისთვის სასურველი ფეხბურთელია. გამონაკლისი არც "ბარსელონაა", რომელმაც ყველაფერი გააკეთა იმისათვის, რომ ნორვეგიელი გადაებირებინა, მაგრამ კატალონიელებს ამის საშუალებას ფინანსური მდგომარეობა არ აძლევს.
Sport-ის ინფორმაციით "ბარსა" ჰოლანდს დიდი ხნის განმავლობაში აკვირდებოდა. ნორვეგიელზე დაკვირვება ჯერ კიდევ იმ დროს დაიწყო, როდესაც ის "ბრიუნეში" თამაშობდა და მხოლოდ 15 წლის იყო. დაკვირვება გაგრძელდა "მოლდეში", გაძლიერდა "ზალცბურგში" და კიდევ უფრო ინტენსიური გახდა "დორტმუნდში".
ჰოლანდის საფეხბურთო შესაძლებლობებთან დაკავშირებით სკაუტების ანგარიშები, რა თქმა უნდა, ყოველთვის დადებითი იყო. მის ნიჭსა და გოლის გატანის უნარს ხაზს ყველა უსვამდა. თუმცა ათეულობით ანგარიშში არის ისეთებიც, რომლებიც ჰოლანდის ნაკლოვანებებს უსვამს ხაზს. ახალგაზრდა ფეხბურთელი ღამის კლუბებისა და ზოგადად ღამის ცხოვრების სიყვარულით გამოირჩეოდა და მის კარიერაში დისციპლინის დარღვევის შემთხვევებიც იყო. ბოლო დროს კი ჰოლანდის უარყოფით მხარეს ტრავმებისადმი მიდრეკილებაც დაემატა. ასევე არაერთ ანგარიშში წერია, რომ ერლინგი "ბარსელონას" სტილისგან განსხვავებულ ფეხბურთს თამაშობდა.
მიუხედავად ამ ნაკლოვანებებისა, არ ვიქნებით მართლები, თუ ვიტყვით, რომ "ბარსელონამ" ჰოლანდზე უარი თქვა.
ამ სიახლეზე კომენტარები გათიშულია.
კომენტარები [ 12 ]