რა ელის პაბლო ტორეს? 3 ვარიანტი

რა ელის პაბლო ტორეს? 3 ვარიანტი

ესპანელი ამომავალი ვარსკვლავი პაბლო ტორე რომ "ბარსელონას" ფეხბურთელი გახდება, ეს დიდი ხანია, გადაწყვეტილია.

19 წლის ნახევარმცველმა მიმდინარე სეზონის მიზანს უკვე მიაღწია და "რასინგს" ესპანეთის ჩემპიონატის მე-2 დივიზიონში გადასვლაში დაეხმარა. ახლა კი მას უკვე შეუძლია, მომდევნო სეზონზე და "ბარსელონაზე" იფიქროს.

პაბლო ტორე "ბარსას" ფეხბურთელი 1 ივლისს გახდება, მალევე კი კატალონიურ კლუბთან ერთად წინასასეზონო მზადებას დაიწყებს. სწორედ ამ ეტაპის შემდეგ გადაწყვეტს ჩავი, თუ როგორ გაგრძელდება ტორეს კარიერა. Sport-ის აზრით ვარიანტი 3 არსებობს.

პირველი გუნდი

არაა გამორიცხული, რომ პაბლო ტორე თავიდანვე "ბარსას" პირველი გუნდის წევრად იქცეს. ამისთვის საჭიროა, რომ მან ჩავი საკუთარ შესაძლებლობებში დაარწმუნოს. რა თქმა უნდა, "ბარსას" ნახევარდაცვაში არსებული კონკურენციის დაძლევა მარტივი არ იქნება, მაგრამ ასე ამბობდნენ პედრისა და გავის შემთხვევაშიც.

მომდევნო სეზონში "ბარსელონას" ნახევარდაცვაში პედრი, ბუსკეტსი, გავი, ნიკო, სერჟი რობერტო, ფრანკ კესიე და სავარაუდოდ ფრენკი დე იონგი იქნებიან.

ბარსა ბ და პირველი გუნდი

თავდაპირველი ჩანაფიქრი იყო, რომ პაბლო ტორეს თამაში "ბარსა ბ-ში" უნდა დაეწყო, მაგრამ ტრანსფერის გაოფიციალურებიდან მალევე სარეზერვო გუნდის დამრიგებელმა, სერჟი ბარჟუანმა დაადასტურა, რომ ეს ფეხბურთელი კლუბმა პირველი გუნდისთვის შეიძინა.

"ბარსელონაში" არის ხალხი, რომლებიც დარწმუნებულები არიან, რომ ტორე "ბარსა ბ-ში" არასდროს ითამაშებს, როგორც ეს პედრის შემთხვევაში მოხდა.

თუმცა მაინც განიხილება ვარიანტი, რომ ფეხბურთელმა პირველ გუნდთან ერთად ივარჯიშოს, თამაშით კი "ბარსა ბ-ში" ითამაშოს. ასე ის შემდეგი სეზონისთვის პირველ გუნდში სათამაშოდ უკეთ მოემზადება.

"რასინგში" განათხოვრება

მესამე ვარიანტად კი კატალონიელი ჟურნალისტები ტორეს ერთი წლით "რასინგში" დატოვებას განიხილავენ. პაბლო ტორე სანტანდერელთა გმირია, რომელიც გუნდს ზედა დივიზიონში გადასვლაში დაეხმარა. გარდა ამისა ამავე გუნდში თამაშობდა პაბლოს მამაც. 19 წლის ფეხბურთელს "რასინგის" მიმართ განსაკუთრებული დამოკიდებულება აქვს და არაა გამორიცხული, "ბარსამ" მისი ამ გუნდში ერთ წლით დატოვების ვარიანტი განიხილოს.

ამ ვარიანტის შანსები მნიშვნელოვნად შემცირდება, თუ "რასინგის" მსგავსად სეგუნდა დივიზიონში "ბარსა ბ-ც" დაწინაურდება. თუ ორივე ეს გუნდი ერთ ლიგაში ითამაშებს, ლოგიკური იქნება, თუ "ბარსა" პაბლო ტორესთვის საკუთარ სარეზერვო გუნდს აირჩევს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 9 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #9 4 მაისი 2022 15:56
    1
    ციტატა: ROUCH
    განათხოვრება არა ის, შემტევი სტილის ნახევარმცველი არარი გუნდში ერთი პუჩია და იმასაც წამს არ აძლევენ. თამაში რო არ წავა დაგეგმილად და მოსაგებია მარტო შემტევებს რო ცვლის, ნახევარდაცვიდანაც რო წაამატო კრეატიული კაცი ნაჯახი გავის მაგივრად ხო შეიძლება მარა არ აკეთებს ხავი

    ხოდა უნდა გაუშვან პუჩი და ეს ათამაშონ პირველ გუნდში.
    Culé [?]
    #8 3 მაისი 2022 23:29
    0
    ძალიან კარგი ბიჭია ეს პირველი გუნდი თუ გაქაჩა ძალიან ხოშიანი შემტევი ნახევარმცველი გვეყოლება
    წევრი [?]
    #7 3 მაისი 2022 22:26
    0
    მახსოვს ესეთი სტატია პედრიზე! იმედია ტორე არა ნაკლები იქნება! ვისკა ბარსა!
    საიტის ლეგენდა  [?]
    #6 3 მაისი 2022 20:40
    0
    La Pulga10,
    თავის დროზე სკამის ფეხბურთელებში რამდენი დახარჯა ბარსამ. აი დინი, მატიე, ვერმალენი, გომეში, დენისი, ალკასერი როცა იყიდეს. ამათ ყიდვას ყველასას ბარსა ბ-ს მოთამაშეებისთვის რომ მიეცათ შანსი ბევრად უკეთესი იქნებოდა. თან მაშინ ბარსა ბ სეგუნდაში იყო.
    --------------------
    1)ჩემს გუნდებში, მეკარე მთავარი შემტევია, ცენტრფორვარდი კი - მთავარი დამცველი.
    2)მხოლოდ ერთი ბურთი არსებობს და ის შენ უნდა გქონდეს.
    ფანი [?]
    #5 3 მაისი 2022 18:43
    0
    პირველ გუნდშიც გაქაჩავს
    Culé [?]
    #4 3 მაისი 2022 16:57
    0
    ციტატა: El pistolero 9
    Dimitri359,
    აი ჟუტგლა ძაან ცოდოა მესამე დივიზიონისთვის, ეზალზულიც. ბლანკოც მაგარი ბიჭიაო და იმედია პირველ გუნდშიც მიეცემათ შანსები

    ვარიანტი არაა მაგათ შანსი მიეცეთ.დონე ფეხბურთელები უნდა მოიყვანონ და პოზიციები გააძლიერონ.აკადემიის ხალხი ბლომად გვყავს ისედაც.ფატი,გავი,პედრი,ნიკო,არაუხო,გარსია.
    --------------------
    The Catalan Kings Lead In Madrid
    საიტის ლეგენდა  [?]
    #3 3 მაისი 2022 15:58
    4
    განათხოვრება არა ის, შემტევი სტილის ნახევარმცველი არარი გუნდში ერთი პუჩია და იმასაც წამს არ აძლევენ. თამაში რო არ წავა დაგეგმილად და მოსაგებია მარტო შემტევებს რო ცვლის, ნახევარდაცვიდანაც რო წაამატო კრეატიული კაცი ნაჯახი გავის მაგივრად ხო შეიძლება მარა არ აკეთებს ხავი
    საიტის ლეგენდა  [?]
    #2 3 მაისი 2022 15:25
    2
    Dimitri359,
    აი ჟუტგლა ძაან ცოდოა მესამე დივიზიონისთვის, ეზალზულიც. ბლანკოც მაგარი ბიჭიაო და იმედია პირველ გუნდშიც მიეცემათ შანსები
    --------------------
    1)ჩემს გუნდებში, მეკარე მთავარი შემტევია, ცენტრფორვარდი კი - მთავარი დამცველი.
    2)მხოლოდ ერთი ბურთი არსებობს და ის შენ უნდა გქონდეს.
    გულშემატკივარი [?]
    #1 3 მაისი 2022 15:18
    4
    ბარსა ბ სეგუნდაში თუ გადავა ძალიან მაგარი იქნება. ბევრ ნიჭიერ ფეხბურთელს მიეცემა შანსი უფრო მაღალ დონეზე