UEFA ჩემპიონთა ლიგის ფორმატის შეცვლას აპირებს
The Times-ის ინფორმაციით, UEFA ჩემპიონთა ლიგის ფორმატში დამატებითი ცვლილებების შეტანას გეგმავს.
კერძოდ, ახალი ფორმატის მიხედვით:
- ნახევარფინალური ეტაპი 2-მატჩიანი აღარ იქნება, ის ე.წ. "ოთხთა ფინალით" ჩანაცვლდება და გუნდები ერთმანეთს მხოლოდ ერთხელ შეხვდებიან
- ნახევარფინალები და ფინალი ერთ ქალაქში ერთი კვირის განმავლობაში გაიმართება
- "ოთხთა ფინალი" მინი ტურნირის სახეს მიიღებს
UEFA-ს მესვეურებს ეს იდეა განსაკუთრებით მოსწონთ, ვინაიდან ტურნირის ერთ ქალაქში გამართვა სხვადასხვა ფესტივალებისა და ღონისძიებების ჩატარების შესაძლებლობასაც იძლევა.
თუ შეხედავთ Super Bowl-ს (ამერიკული ფეხბურთის ფინალური მატჩი), ეს დიდებული ღონისძიებაა და მას შესანიშნავად ატარებენ. ისინი მართავენ კონცერტებს, სადაც ხალხი მიდის და ერთობა. თუ ამ ორ თამაშს წააგებ, საკომპენსაციოდ დამატებითი შემოსავლის მიღება შეგიძლია.
- განუცხადა UEFA-ს პრეზიდენტმა, ალექსანდრ ჩეფერინმა The Times-ს.
ცნობისთვის, 2024/25 წლების სეზონიდან ჩემპიონთა ლიგის ფორმატი ისედაც იცვლება, რომლის მიხედვითაც:
- გათამაშებაში მონაწილეობას, 32-ის ნაცვლად, 36 გუნდი მიიღებს;
- ჯგუფურ ეტაპს ერთი მთლიანი სატურნირო ცხრილი ჩაანაცვლებს;
- თითოეული კლუბი 10 შეხვედრას ჩაატარებს: 5-ს სახლში და ამდენივეს - გასვლაზე;
- ვიხილავთ 100 მატჩით მეტს;
- ცხრილში პირველ 9 ადგილზე მყოფი გუნდები შემდეგ ეტაპზე პირდაპირ გავლენ;
- მე-9-დან 24-ე პოზიციაზე მყოფი კლუბები, შემდეგ ეტაპზე გასაღწევად, ერთმანეთს 2-მატჩიან შეხვედრებში დაუპირისპირდებიან.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 9 ]