მატეუ ალემანიმ ლევანდოვსკის კონტრაქტის პირობები გააცნო

ჟერარ რომეროს ინფორმაციით, გუშინ "ბარსელონას" სპორტული დირექტორი, მატეუ ალემანი ბარსელონას ერთ-ერთ რესტორანში რობერტ ლევანდოვსკის აგენტ პინი ზაჰავის შეხვდა.

ალემანიმ ფეხბურთელის წარმომადგენელს განუცხადა, რომ "ბარსა" მზადაა, 33 წლის თავდამსხმელში 30-35 მილიონი ევრო გადაიხადოს და მას 2+1-წლიანი კონტრაქტი შესთავაზოს.

"ბლაუგრანამ" პინი ზაჰავის სთხოვა, რომ "ბაიერნზე" ზეწოლა მოახდინოს და ლევანდოვსკის გაშვება აიძულოს. პოლონელის აგენტი "რეკორდმაისტერის" წარმომადგენლებს მალე შეხვდება და კატალონიელთა შეთავაზებას გააცნობს.

ლევანდოვსკი "ბაიერნში" წლიურად 12.5 მილიონ ევროს გამოიმუშავებს, "ბარსაში" კი ხელფასის შემცირება მოუწევს, რაზეც, როგორც ცნობილია, პოლონელი თანახმაა.

ჟერარ რომერო დასძენს, რომ "ბარსელონას" წარმომადგენლები სხვა ფეხბურთელის აგენტსაც შეხვდნენ.