ჟოან ლაპორტა: გუშინ 2 დარღვევა დაფიქსირდა, გერმანელებისთვის ბილეთები არ მიგვიყიდია
"ბარსელონას" პრეზიდენტი, ჟოან ლაპორტა "კამპ ნოუზე" გუშინ მომხდარ ინციდენტს კიდევ ერთხელ ეხმაურება.
ორი დარღვევა დაფიქსირდა, ორივე სტადიონის მესამე იარუსზე, რომელზეც გერმანელები იყვნენ. და ასევე, სეზონური აბონემენტის მფლობელების ბილეთები, რომელიც მეტოქის ფანების ხელში აღმოჩნდა.
ამაში კლუბი დამნაშავე არაა. ჩვენ მხოლოდ თამაშის ორგანიზებაზე ვმუშაობდით. ყველა, ვინც მიცნობს, იცის, რომ პასუხისმგებლობას საკუთარ თავზე ვიღებ და საჭირო ზომებს მივიღებ. გერმანელებისთვის ბილეთები არ მიგვიყიდია.
რამდენიმე შეზღუდვით საზოგადოებისთვის 34 440 ბილეთი გამოვყავით, რომელთა შეძენაც გერმანული საკრედიტო ბარათით არ შეიძლებოდა. ეს ბილეთები სწორედ მესამე იარუსისთვის იყო გათვლილი, რომელიც, რატომღაც, მთლიანად "აინტრახტის" ფანებმა მოიცვეს.
გერმანელებმა ბილეთები არალეგალურად იყიდეს. აგრეთვე, 37 746 ბილეთი, რომელიც სეზონური აბონემენტის მფლობელების ეკუთვნოდათ, ხელში ფრანკფურტელებმა ჩაიგდეს.
- ციტირებს პრეზიდენტის სიტყვებს Esport3.
ლაპორტას მიერ მოყვანილი რიცხვების გარდა, ასევე ცნობილია, რომ გუშინ მეტოქისთვის 5 000 ბილეთი იყო გამოყოფილი, 2 425 კი - UEFA-ს მიერ მოწვეული პირებისთვის.
ამ სიახლეზე კომენტარები გათიშულია.
კომენტარები [ 11 ]