ბარსელონა ვასკო და გამას 17 წლის ტალანტით ინტერესდება

Sport-ის ინფორმაციით, "ბარსელონა" "ვასკო და გამას" 17 წლის ტალანტით ინტერესდება. 

საქმე ანდრეი სანტოსს ეხება, რომელიც ამპლუით საყრდენი ნახევარმცველია, თუმცა, თამაში ცენტრალურ ნახევარმცველადაც შეუძლია.

პროფესიონალურ დონეზე ბრაზილიელს დებიუტი მიმდინარე სეზონში ჰქონდა. მას მშობლიურ კლუბთან კონტრაქტი 2023 წლამდე აკავშირებს. 

აღსანიშნავია, რომ 17 წლის ტალანტს ბრაზილიის 16-წლამდელთა ნაკრებშიც უთამაშია და 6 მატჩში 2 გოლიც მიითვალა.