ოფიციალურად: გენერალურმა ასამბლეამ Spotify-სთან შეთანხმება დაამტკიცა
დღეს "ბარსელონას" დელეგატ წევრთა გენერალური ასამბლეა გაიმართა, რომემელზეც Spotify-სთან სასპონსორო შეთანხმება ოფიციალურად დამტკიცდა.
ასამბლეა კლუბის ისტორიაში პირველად ელექტრონულ ფორმატში ჩატარდა და მასში 703 წევრმა მიიღო მონაწილეობა. შეთანხმების დასამტკიცებლად უბრალო უმრავლესობა იყო საჭირო.
საბოლოოდ, ხმები შემდეგნაირად გადანაწილდა:
✅ 627 მომხრე
❌ 49 წინააღმდეგი
⚪ 27 თავი შეიკავა
შვედური კომპანია "ბარსელონას" მთავარი სპონსორი და აუდიო სტრიმინგის ოფიციალური პარტნიორი ხდება. წარწერა Spoitfy მომდევნო სეზონიდან 4 სეზონის განმავლობაში მამაკაცთა და ქალთა გუნდების მაისურების წინა მხარეს გამოჩნდება, სამი სეზონის განმავლობაში კი სავარჯიშო ფორმაზეც იქნება დატანილი.
ხანგრძლივი თანამშრომლობა სტადიონის სახელის უფლებასთან დაკავშირებით 2022 წლის ივლისიდან შევა ძალაში და "ბარსელონას" საშინაო არენას "Spotify კამპ ნოუ" დაერქმევა.
კონფიდენციალურობის დაცვის მიზნით, შეთანხმების პირობები არ სახელდება, თუმცა არაოფიციალური ინფორმაციით კატალონიური კლუბი შვედური კომპანიისგან ჯამში 435 მილიონს მიიღებს, რაც ფეხბურთის ისტორიაში უდიდესი სასპონსორო გარიგებაა.
ამ სიახლეზე კომენტარები გათიშულია.
კომენტარები [ 7 ]