5 ცვლილების წესი ფეხბურთში საბოლოოდ დაინერგა
საფეხბურთო ასოციაციების საერთაშორისო საბჭომ (IFAB), რომელიც ფეხბურთის წესებთან დაკავშირებით გადაწყვეტილებებს იღებს, 2022/23 წლების სეზონის წესების დაამტკიცა.
მომდევნო სეზონისთვის წესებში მნიშვნელოვანი ცვლილება არ იგეგმება. ცვლილებების უმრავლესობა დაზუსტებითი ხასიათისაა. მაგალითად, აქამდე წესებში ეწერა, რომ თერთმეტმეტრიანის შესრულების დროს მეკარეს ერთი ფეხი აუცილებლად კარის ხაზზე უნდა ჰქონდეს. ეს წესი ტოვებდა ფორმალურ საფუძველს, მსაჯს მეკარე დაეჯარიმებინა, თუ მას ერთი ფეხი ხაზიდან შიგნით, კარში ჰქონდა. ახლა კი დაზუსტდა, რომ მეკარეს ერთი ფეხი ხაზზე და კარში შიგნით უნდა ჰქონდეს.
ყველაზე მნიშვნელოვანი ამბავი კი ისაა, რომ თამაშის დროს 5 ცვლილების განხორციელება მუდმივი წესი გახდა. აქამდე ეს წესი დროებით ხასიათს ატარებდა და მისი შემოღების მიზეზი კორონავირუსის გამო გადატვირთული კალენდარი იყო. მომდევნო სეზონიდან კი ეს დათქმა სტანდარტულ წესებში გადაინაცვლებს.
ამ სიახლეზე კომენტარები გათიშულია.
კომენტარები [ 9 ]