არონ იააკობიშვილმა ძირითად გუნდთან ერთად ივარჯიშა
დღეს "ბარსელონას" ძირითადი გუნდის წევრებთან ერთად 16 წლის არონ იააკობიშვილმა ივარჯიშა. ეს პირველი შემთხვევაა, როდესაც ჩავიმ უნგრელი მეკარე სესიაზე იხმო.
სხვათა შორის, იააკობიშვილს ქართული ფესვები აქვს. ის "ბარსელონას" მაისურს 2018 წელს ინფანტილ B-ს რიგებში ჩარიცხვის შემდეგ ატარებს, იქამდე კი 1 წელი "ატლეტიკ სანტში" თამაშობდა. დაახლოებით 1 თვის წინ კი არონმა "ბლაუგრანასთან" ხელშეკრულება გაახანგრძლივა.
ამჟამად ახალგაზრდა ტალანტი კადეტ A-ში ასპარეზობს, თუმცა, ჟუვენილ B-სთან ერთად რამდენიმე თამაში უკვე ჩატარებული აქვს. მის ერთ-ერთ ყველაზე გამორჩეულ მატჩად "დამის" წინააღმდეგ თამაში მიიჩნევა, სადაც კარის მშრალად შენახვა და პენალტის მოგერიება შეძლო.
Sport-ის თქმით, არონი ფეხით ძალიან კარგად თამაშობს და კარის ხაზზე შესანიშნავი რეაქცია აქვს. ის ინტროვერტია, მაგრამ, მოედანზე ყოფნის დროს, იცვლება და საკუთარი საჯარიმოდან გუნდს ამხნევებს.
"ის უახლოესი წლების ერთ-ერთ დიდებულ მეკარედ მოიაზრება. დაიმახსოვრეთ მისი სახელი", - ამგვარად ასრულებს სტატიას Sport.
ამ სიახლეზე კომენტარები გათიშულია.
კომენტარები [ 8 ]