გასვლით მატჩებში ჩავის დაუმარცხებელი სერია გრძელდება

გასვლით მატჩებში ჩავის დაუმარცხებელი სერია გრძელდება

"სანტიაგო ბერნაბეუზე" "ბარსელონამ" ნამდვილი სანახაობა დადგა. ეს მხოლოდ შედეგი არ ყოფილა - "ბარსამ" სტუმრად დაჩაგრა გუნდი, რომელიც ლა ლიგას დამაჯერებლად ლიდერობს და პსჟ-სთან ქამბექის შემდეგ ძალიან კარგ განწყობაზე იყო.

"ბლაუგრანას" მადრიდული კლუბთან ზედიზედ 6-მატჩიანი მოუგებელი სერია ჰქონდა და, ჩავის ხელში აშკარა პროგრესის მოუხედავად, იმის გათვალისწინებით, თუ როგორ დაიწყო გუნდმა 2021-22 წლების სეზონი, არავინ ელოდა, რომ "ბარსა" ასეთ შეხვედრას მოიგებდა - ფავორიტად ყველა მასპინძელს მიიჩნევდა.

ჩავის მოსვლამდე, გასვლითი თამაშები "ბარსელონას" უდიდესი პრობლემა იყო, მაგრამ, მის ხელში გუნდი დაუმარცხებელია - კატალონიელებმა სტუმრად "ვილიარეალს",  "მალიორკას", "ალავესს", "ვალენსიას", "ელჩესა" და "რეალს" მოუგეს, "ოსასუნასთან", "სევილიასთან", "გრანადასა" და "ესპანიოლთან" კი ფრედ ითამაშეს.

მსგავსი რეკორდით ბევრი მწვრთნელი ნამდვილად ვერ დაიკვეხნის, მაგრამ, აღსანიშნავია, რომ ერნესტო ვალვერდემ მარცხის თავიდან აცილება თავისთვის პირველ 18 გასვლით მატჩში შეძლო. ასე რომ, ახალი რეკორდის დამყარებამდე გუნდს ჯერ კიდევ 8 შეხვედრა აშორებს.

ჩავის ბრწყინვალე სტარტი

ჩავი მესამე მწვრთნელი გახდა "ბარსას" ისტორიაში, რომელმაც ლა ლიგაში თავისი პირველი "კლასიკო" 4 ან მეტი ბურთით მოიგო. 1951 წელს "ბარსამ" ფერდინანდ დაუჩიკის ხელმძღვანელობით "რეალი" 7-2 გაანადგურა, 8 წლის შემდეგ კი ელენიო ერერას შეგირდებმა მადრიდელებს ასევე 4 გოლი გაუტანეს.

4-0-ის გასვლაზე მოგება კიდევ უფრო შესანიშნავი მოვლენაა. ამასთან, ჩავის გუნდმა კარში 10-ჯერ დაარტყა - სადებიუტო "კლასიკოში" ამაზე უკეთესი შედეგი მხოლოდ ერნესტო ვალვერდესა (2017) და ფრანკ რაიკაარდს (2003) ჰქონდათ.

პარალელები 2003 წელთან

გუშინწინდელმა მოგებამ ბევრს "ბერნაბეუზე" "ბარსას" მიერ დადგმული სხვა ისეთი შოუები გაახსენა, როგორებიცაა რონალდინიო გაუჩოს მაგიური თამაში და 3-0 მოგება, 6-2 გვარდიოლას ხელმძღვანელობით, 2-0 ჩემპიონთა ლიგაზე, 4-0 ლუის ენრიკეს მწვრთნელებისას და ლეო მესის ლეგენდარული გოლით მოგებული 3-2.

მიუხედავად ამისა, ალბათ, ეს მატჩი ყველაზე მეტად 2003-04 წლების სეზონში, ლუის ენრიკესა და ჩავის გოლებით 2-1 მოგებულ "კლასიკოს" ჰგავდა. წლევანდელი სეზონის მსგავსად, "ბარსელონამ" ასპარეზობა მაშინაც საშინლად დაიწყო, მაგრამ, "ლა მასიელი" ახალგაზრდებისა და ედგარ დავიდსის მოყვანის წყალობით, სიტუაცია რადიკალურად შეიცვალა. ამასთან, მთავარი რამ მაშინაც "ბერნაბეუზე" მოგება იყო.

"ბარსა" დაბრუნდა!

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 9 ]

    ინფორმაცია
    ამ სიახლეზე კომენტარები გათიშულია.
    ფანი [?]
    #9 22 მარტი 2022 14:30
    0
    ნათქვამია: "არწივი ხანდახან მიწაზე ეშვება, სამაგიეროდ ქათამი ვერ აფრინდება ცაშიო" ასე რომ, იმ არწივს ახლა ჩავი მართავს!
    ბარსა მინიმუმ 10 სეზონი დაუნდობელი გახდება!
    წევრი [?]
    #8 22 მარტი 2022 12:19
    2
    არაუხომ უკვე ამ სეზონში სევილიას,ატლეტიკოს და რეალს გაუტანა! (არ დავივოწყოთ გრანადასთან გოლი ბოლო წუთზე). მცველი და ასეთი big match player რავიცი და კონტრაქტი როგორ არ უნდა გაუხანგრძლივონ ამკაცს 😕
    გულშემატკივარი [?]
    #7 22 მარტი 2022 11:18
    2
    ძველი დრო მახსენდება, ადრე ამ საიტზე ყოველი მეორე სტატია იყო იმაზე თუ რა ახალ რეკორდს ხსნიდა ხოლმე ბარსა 🥺❤️
    Culé [?]
    #6 22 მარტი 2022 11:16
    2
    მომკალით და ძალიან მეეჭვება ჰოლანდის. მითუმეტეს როცა უკვე ვხედავ თუ რა თამაშს ათამაშებს ჩავი ბარსას დიდად მეეჭვება რომ ჰოლანდი ამ ფორმაციის ბარსას შეეწყოს. ჰოლანდი არის ზალიან მაგარი მაგრამ ამასთანავე არის ფეხბურთელი რომელსაც აუცილებლად ჭირდება სივრცეები. ახლა გამახსებეთ ამ ბოლო დროს თამაში სადაც ბარსას იშვიათი გამონაკლისის გარდა ვინმე სივრცეებს უტოვებს. თითქმის ყველა ავტობუს უყენებს. მერე რამდენად შეძლებს ჰოლანდი მოკლე პასებით თამაშს, თუ თავით თამაშზეა აქცენტი ლუკ დე იონგს ევროპაში ვერავინ ჯობია. ძალიან ბევრი ასპექტია და კარგად დასაფიქრებელია გვჭირდება თუ არა ჰოლანდი. კიდევ ერთხელ ვამბობ იმ თანხით რაც ჰოლანდში უნდა გავტყორცნოთ მინიმუმ სამ უმაღლესი დონის ფეხბურთელს ვიყიდით. ვიყიდით კუნდეს, ვიყიდით ვირცს, ვიყიდით ენდრიკს და კიდევ ვიყიდით ვიღაცეებს. კიდევ ვიმეორებ, აქ უნდა შეფასდეს ერთია რამ ის ფეხბურთელები რომელასც ჰალანდის ფასად ვიყიდით უფრო რეზულტატური იქნება გუნდისთვის თუ მარტო ჰოლანდი. მის ტრამვიანობასაც ნუ დაივიწყებთ. არ არის ეს აღტკინება საჭირო. ჰოლანდი ჰოლანდი. ცივი გონებით ჯობს ნებისმიერი რამის კეთება.
    საიტის ლეგენდა  [?]
    #5 22 მარტი 2022 10:45
    2
    ახლა მთავარია ჩავის საქმიანობასი ხელი არ შეეშალოს, არავითარი ჩარევა პრეზიდენტის მხრიდან. ამ კაცმა თავისი საქმე ათიანზე იცის და მხოლოდ მხარდაჭერა სჭირდება.
    ფანი [?]
    #4 22 მარტი 2022 10:04
    2
    ✅ ფრანკ კესი მილანიდან კარიერას ბარსელონაში გააგრძელებს 🔵🔴

    #POSTVტრანსფერები
    Culé [?]
    #3 22 მარტი 2022 09:16
    5
    იქით სეზონში ძაან კაი გუნდი გვეყოლება
    ფანი [?]
    #2 22 მარტი 2022 03:11
    3
    კესიზე რაღაც დაიწერა კიდე და რახდება
    გულშემატკივარი [?]
    #1 22 მარტი 2022 01:49
    2
    Ვსო წავედითრეკორდებზე, უნდა მოვხსნათ ეგეც ❤️