ბენზემას ელ კლასიკოში თამაში კითხვის ნიშნის ქვეშაა
კვირას გასამართი "ელ კლასიკოს" წინ "რეალის" ბანაკიდან საგანგაშო ამბავი ვრცელდება. მადრიდელთა ლიდერმა, ქარიმ ბენზემამ გუშინ ტრავმა მიიღო.
ლა ლიგის 28-ე ტურის ბოლო მატჩში "რეალმა" "მალიორკა" სტუმრად 3-0 დაამარცხა. 3 გოლიდან 2 ბენზემამ თავად გაიტანა, ერთი კი ვინისუსს გაატანინა. შეხვედრის ბოლოს კი ფრანგმა ტრავმა მიიღო.
მადრიდში ვარაუდობენ, რომ ფრანგი თავდამსხმელის დაზიანება სერიოზული არაა, თუმცა ხვალ გასამართ სამედიცინო შემოწმებამდე რაიმეს გადაჭრით თქმა რთულია. ამჟამინდელი ინფორმაციით ბენზემას "ბარსელონას" წინააღმდეგ თამაში კითხვის ნიშნის ქვეშ დგას.
მიმდინარე სეზონი ქარიმ ბენზემასთვის კარიერაში საუკეთესოა. ჩატარებულ 35 შეხვედრაში მან თავი 30 გოლითა და 13 საგოლე გადაცემით გამოიჩინა.
"ბარსელონასა" და "რეალის" დაპირისპირება 20 მარტს, 23 საათსა და 55 წუთზე, "სანტიაგო ბერნაბეუზე" გაიმართება.
ამ სიახლეზე კომენტარები გათიშულია.
კომენტარები [ 11 ]