ერლინგ ჰოლანდს ბარსელონაში თამაში სურს
დორტმუნდის "ბორუსიის" ვარსკვლავს, ერლინგ ჰოლანდს "ბარსელონაში" თამაში სურს.
Sport-ის ინფორმაციით, ნორვეგიელი ფეხბურთელი "ბარსას" სპორტული პროექტითა და ჩავი ერნანდესთან მუშაობის პერსპექტივით მოხიბლულია. მისი ლურჯ-ბროწეულისფერ ფორმაში ხილვა სურს მინო რაიოლასაც. ამ ყველაფრის გათვალისწინებით, კლუბშიც მიიჩნევენ, რომ 21 წლის შემტევისთვის ბრძოლაში ფავორიტები არიან.
"ბლაუგრანას" ჰოლანდის ტრანსფერის განხორციელების გეგმა უკვე შემუშავებული აქვს. სატრანსფერო ფასის, ფეხბურთელის ხელფასისა და მისი მამისა და აგენტისთვის გადასახდელი საკომისიოების გათვალისწინებით, ოპერაცია ჯამში დაახლოებით 250 მილიონი ევრო დაჯდება. ამ თანხის მისაღებად ორი გზა არსებობს: CVC-ის შეთანხმებაზე ხელმოწერა ან Barca Studios-ის 49%-იანი წილის გაყიდვა - კლუბს 350 მილიონიანი შემოთავაზება აქვს.
"ბარსელონა" მთავარ კონკურენტად "მანჩესტერ სიტის" რამდენიმე გარემოების გამო განიხილავს: ნორვეგიელი პეპ გვარდიოლასთანაც სიამოვნებით იმუშავებდა; ამასთან "ქალაქელების" ფინანსური მდგომარეობა "ბარსასას" ბევრად აღემატება.
ამ სიახლეზე კომენტარები გათიშულია.
კომენტარები [ 10 ]