რონალდ კუმანის ექსკლუზიური ინტერვიუ: იმდენი დრო არ მომცეს, რამდენიც - ჩავის
"ბარსელონას" ყოფილი მთავარი მწვრთნელი, რონალდ კუმანი, კატალონიიდან წასვლის შემდეგ, საჯაროდ პირველად საუბრობს.
ნიდერლანდურ Algemeen Dagblad-თან ჩაწერილ ინტერვიუში, კუმანი განსაკუთრებით კრიტიკული ჟოან ლაპორტას მიმართ იყო.
კლუბისგან იმდენი დრო ვერ მივიღე, რამდენიმ ჩავიმ მიიღო. ეს ჩემთვის მტკივნეულია. ძალიან ბევრ ტრავმირებულთან ერთად მიწევდა მუშაობა. ახლა, პედრი ფორმაში დაბრუნდა, დემბელეც... ყველაფერი ნათელია.
ბორდისგან ყველა მწვრთნელს სჭირდება დრო და მოთმინება. ახალი ფეხბურთელების ყოლას მეც სიამოვნებით ვისურვებდი. მაგრამ ახლა კლუბში სიტუაცია უკეთესობისკენ მიდის, ფეხბურთელებმაც მოუმატეს, ეს მე მახარებს.
ფრენკი დე იონგისგან ძველებური ფეხბურთის ყურება სასიამოვნოა, იგი ძალიან მაღალი დონის ფეხბურთელია.
კლუბის ხელმძღვანელობის მოთხოვნის გამო, ფინანსური მდგომარეობის გამოსწორების მიზნით, რამდენიმე ფეხბურთელის გაშვებას დავთანხმდი, თუმცა, როდესაც ხედავ, თუ როგორ იფორმებენ ლიონელ მესის წასვლისთანავე ახალ ფეხბურთელს 55 მილიონ ევროდ, ფიქრობ, ნუთუ, იქ სხვა რამ ხდებოდა. რატომ გახდა მესი იძულებული, წასულიყო?
მე ლაპორტას მწვრთნელი არ ვიყავი. ამას პირველივე მომენტიდან ვგრძნობდი, ჩვენ შორის კავშირი არ იყო. კლუბისგან აუცილებელ მხარდაჭერას ვერ ვიღებდი. ჩემთვის, ფული მნიშვნელოვანი არასდროს არ ყოფილა. მწვრთნელის რანგში, "ბარსელონაში" წარმატების მიღწევა ძალიან მინდოდა, ამისთვის გავაკეთე ყველაფერი, რაც შემეძლო, მაგრამ მივხვდი, რომ ლაპორტას ჩემი მოშორება უნდოდა, რადგან მე მისი დანიშნული არ ვიყავი.
ლაპორტასგან ათასჯერ მაქვს მოსმენილი, რომ ჩავი მისი მწვრთნელი არ იქნებოდა, რადგან მას გამოცდილება აკლდა, თუმცა მას სჭირდებოდა ვინმე, ვისაც ამოეფარებოდა.
ნიდერლანდელი, რომელიც მალე 59 წლის გახდება, სამწვრთნელო კარიერის დასრულებას ჯერ არ აპირებს.
რობ იანსენთან (აგენტი) შევთანხმდი, რომ ზაფხულისთვის ახალ, საინტერესო და კარგ შესაძლებლობებს განვიხილავთ.
კუმანი დაკავებული თანამდებობიდან ოქტომბერში გაათავისუფლეს. "ბლაუგრნაში" მოღვაწეობის პერიოდში, მან ესპანეთის თასის მოგება შეძლო.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
1 2
კომენტარები [ 34 ]